Андрэй Русланавіч Кудравец

Андрэй Кудравец
Агульная інфармацыя
Поўнае імя	Андрэй Русланавіч Кудравец
Нарадзіўся	2 верасня 2003(2003-09-02)[1] (21 год) Барысаў, Мінская вобласць, Беларусь[1]
Грамадзянства	Беларусь
Рост	191 см
Вага	84 кг[1]
Пазіцыя	брамнік
Інфармацыя пра клуб
Клуб	Дынама (Масква)
Нумар	47
Клубная кар’ера[* 1]
2019—2023 БАТЭ (Барысаў) 52 (-43) 2023— Дынама (Масква) 2023 →  БАТЭ (Барысаў) 7 (-8)
Нацыянальная зборная[* 2]
2019 Беларусь (да 17) 3 (-2) 2021 Беларусь (да 19) 2 (-3) 2022— Беларусь (да 21) 1 (-6) 2022— Беларусь 2 (-5)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 28 красавіка 2023

Андрэй Кудравец (нар. 2 верасня 2003, Барысаў) — беларускі футбаліст, брамнік расійскага клуба «Дынама» з Масквы і нацыянальнай зборнай Беларусі.

Клубная кар’ера

Выхаванец ДЮСШ-2 горада Барысава, з канца 2019 года пачаў выступаць за дубль барысаўскага БАТЭ. Да сезона 2020 ужо рыхтаваўся разам з асноўнай камандай, трывала прыцягваўся да складу ў якасці рэзервовага брамніка, гуляў таксама за дубль. Дэбютаваў у асноўнай камандзе БАТЭ 29 жніўня 2020 года ў матчы Кубка Беларусі супраць мікашэвіцкага «Граніта» (5:0), калі выйшаў на замену ў другім тайме.

Сезон 2021 распачаў рэзервовым брамнікам барысаўчан, а 17 красавіка 2021 года дэбютаваў у Вышэйшай лізе пасля таго, як на размінцы перад сустрэчай з «Энергетыкам-БДУ» (2:1) траўму атрымаў асноўны брамнік БАТЭ Антон Чычкан. У далейшым у сезоне 2021 чаргаваўся ў браме з Чычканам, а ў 2022 годзе стаў асноўным брамнікам БАТЭ.

У красавіку 2023 года падоўжыў пагадненне з барысаўскім клубам да канца 2024 года^[2]. У жніўні 2023 года перайшоў у маскоўскае «Дынама», падпісаўшы пяцігадовы кантракт, але пры гэтым застаўся ў БАТЭ да канца сезона 2023^[3]. У снежні 2023 года пакінуў БАТЭ^[4].

Міжнародная кар’ера

У кастрычніку 2019 года гуляў за юнацкую зборную Беларусі (да 17 гадоў) у кваліфікацыйным раўндзе чэмпіянату Еўропы.

У кастрычніку 2021 года гуляў за юніёрскую зборную Беларусі (да 19 гадоў) у кваліфікацыйным раўндзе чэмпіянату Еўропы.

21 верасня 2022 года дэбютаваў у моладзевай зборнай Беларусі, адгуляўшы ўсе 90 хвілін у таварыскім матчы супраць Расіі (1:6).

17 лістапада 2022 года дэбютаваў у нацыянальнай зборнай Беларусі, адгуляўшы ўсе 90 хвілін у таварыскім матчы супраць Сірыі (1:0).

Дасягненні

• 02 Сярэбраны прызёр чэмпіянату Беларусі: 2021
• 03 Бронзавы прызёр чэмпіянату Беларусі: 2022
• Уладальнік Кубка Беларусі: 2021
• Уладальнік Суперкубка Беларусі: 2022
• Найлепшы брамнік чэмпіянату Беларусі: 2022
• У спісе 22 найлепшых футбалістаў чэмпіянату Беларусі: 2022

Статыстыка выступленняў

Сезон	Дывізіён	Клуб	Краіна	Матчы	Галы
2019	дубль	БАТЭ		2	−1
2020	дубль	БАТЭ		19	−33
2021	Д1	БАТЭ		13	−13
2022	Д1	БАТЭ		25	−16
2023	Д1	БАТЭ		21	−22

Крыніцы

1. https://fcbate.by/team/base/1
2. Кудравец продлил контракт с БАТЭ (руск.). football.by (29 красавіка 2023). Праверана 1 мая 2023.
3. Вратарь БАТЭ Кудравец подписал 5-летний контракт с московским "Динамо" (руск.). football.by (18 жніўня 2023). Праверана 19 жніўня 2023.
4. Андрей Кудравец, Валерий Бочеров и Дмитрий Антилевский покинули БАТЭ (руск.). Афіцыйны сайт барысаўскага БАТЭ (28 снежня 2023). Праверана 18 студзеня 2024.