PROFILBARU.COM

Андрэа Арнольд
Андрэа Арнольд
Дата нараджэння	5 красавіка 1961 (63 гады)
Месца нараджэння	Дартфард[d], Кент[d], Кент, Англія, Вялікабрытанія;
Грамадзянства	Вялікабрытанія;
Адукацыя	Кансерваторыя АІК[d];
Прафесія	актрыса, кінарэжысёр, сцэнарыст, тэлевядучая
Узнагароды	прэмія «Оскар» за найлепшы гульнявы кароткаметражны фільм[d] (2003) Прыз журы Канскага кінафестывалю (2006) Sutherland Trophy[d] (2006) Прэмія BAFTA за найлепшы дэбют брытанскага сцэнарыста, рэжысёра або прадзюсара[d] (2007) Прыз журы Канскага кінафестывалю (2009) Узнагарода імя Аляксандра Корды за найлепшы брытанскі фільм[d] (2010) Прыз журы Канскага кінафестывалю (2016)
IMDb	ID 0036349
	Медыяфайлы на Вікісховішчы

Андрэ́а Арно́льд (англ.: Andrea Arnold; нар. 5 красавіка 1961, Дартфард, Кент, Англія) — брытанская кінарэжысёрка, сцэнарыстка і актрыса.

Біяграфія

Андрэа Арнольд нарадзілася 5 красавіка 1961 года ў Дартфардзе, графства Кент, Англія. Яна была старэйшай з чатырох дзяцей у сям’і. Яе маці было толькі 16, а бацьку 17, калі Андрэа нарадзілася. Бацькі разышліся, калі яна яшчэ была ў маладым узросце. Яе маці была вымушана самастойна выхоўваць чатырох дзяцей, аб чым Арнольд згадвае ў сваім кароткаметражным фільме «Аса» (2003).

Пасля заканчэння сярэдняй школы ў канцы 1970-х Арнольд працавала на тэлебачанні як танцорка шоу, у прыватнасці ў праекце BBC «Top of the Pops». Андрэа ўпершыню набыла папулярнасць у якасці актрысы і тэлевядучай (разам з Сэндзі Токсвіг, Нікам Стэверсенам і Нілам Б’юкененам) у дзіцячым тэлешоу 1980-х № 73 на ITV. Пасля закрыцця № 73 у 1988 годзе Андрэа Арнольд яшчэ два гады працавала ў камандзе дзіцячай праграмы «Motormouth». У 1990-я Арнольд пісала сцэнарыі для «A Beetle Called Derek», шоу, накіраванага на павышэнне экалагічнай дасведчанасці сярод моладзі.

Кар’ера ў кіно

Пасля завяршэння кар’еры на тэлебачанні Андрэа Арнольд вучылася ў прыватнай некамерцыйнай Кансерваторыі пры Амерыканскім інстытуце кінамастацтва ў Лос-Анджэлесе, дзе набыла досвед у кінаіндустрыі і, вярнуўшыся ў Англію, вывучала сцэнарнае майстэрства ў PAL Labs у Кенце^[2]^[3]^[4]. Пасля навучання яна пачала рабіць кароткаметражныя фільмы для тэлебачання.

Трэці кароткаметражны фільм Арнольд «Аса» ў 2004 годзе атрымаў прэмію «Оскар» у катэгорыі найлепшы кароткаметражны фільм^[5].

У 2006 годзе Андрэа Арнольд зняла па ўласным сцэнарыі свой першы поўнаметражны фільм «Чырвоны шлях». Фільм змагаўся за «Залатую пальмавую галіну» ў конкурснай праграме 59-га Канскага міжнароднага кінафестывалю і атрымаў прыз журы^[6]. Акрамя гэтага, фільм быў адзначаны прэміяй BAFTA за найлепшы дэбют брытанскага сцэнарыста, рэжысёра альбо прадзюсара, і некалькімі шатландскімі ўзнагародамі BAFTA, у прыватнасці за найлепшую рэжысуру і найлепшы сцэнарый.

Прэм’ера наступнага поўнаметражнага фільма Андрэа Арнольда «Акварыум» (2009) адбылася на 62-м Канскім міжнародным кінафестывалі, дзе ён, як і папярэдні фільм, атрымаў прыз журы фестывалю. «Акварыум» таксама атрымаў прэмію BAFTA за найлепшы брытанскі фільм. У 2011 годзе Арнольд адаптавала для кіно раман Эмілі Бронтэ «Навальнічны перавал». Фільм быў паказаны ў конкурсе 68-га Венецыянскага міжнароднага кінафестывалю ў верасні 2011 года^[7] і атрымаў узнагароду «Залатая Азела» за найлепшую аператарскую працу.

Чацвёрты поўнаметражны фільм Арнольд «American Honey» (2016), змагаўся за «Залатую пальму» ў конкурснай праграме 69-га Канскага міжнароднага кінафестывалю^[8] і стаў яе трэцім фільмам, які атрымаў ў Канах прыз журы.^[9]