Алейна-тлушчавая прамысловасць Беларусі

Алейна-тлушчавая прамысловасць Беларусі — галіна харчовай прамысловасці. Уключае ў сябе выраб алею, маргарыну, маянэзу, гаспадарчага мыла і іншае.

Агульныя звесткі

У Беларусі алейна-тлушчавая галіна ўключае ў сябе дзве падгаліны — алеездабыўную і алееперапрацоўчую. Алеездабыўная галіна прадстаўлена 51 арганізацыяй, з якіх 16 спецыялізуюцца на перапрацоўцы насення алейных культур, а 35 маюць абсталяванне па перапрацоўцы^[1].

Асноўныя вытворцы алейна-тлушчавай прадукцыі ў Беларусі на 2016 год^[1]:

Назва алейнаэкстракцыйнага прадпрыемства	Магутнасці перапрацоўкі
ТАА «Аграпрадукт»	0,18
ЗАТ «Аблрапсаграсервіс»	0,18
ААТ «Віцебскі алейнаэкстракцыйны завод»	0,13
ААТ «Рапс»	0,05
СЗАТ «РапсКлецк»	0,05
ТАА «ГроднаАграінвест»	0,04
Іншыя	0,52
Усяго	1,1

Асноўныя прадпрыемствы алееперапрацоўчай падгаліны: «Гомельскі тлушчавы камбінат», «Бабруйскі завод алеяў», «Мінскі маргарынавы завод», «Ойл-Фуд», «ГроднаБіяпрадукт»^[1].

Вытворчасць

Вытворчасць алею ў Беларусі^[2]

год	1990	1995	1998	1999	2000	2001	2002	2003
тыс. т.	26,4	6,7	11,3	15,8	16,9	17,9	20,5	17

Баланс экспарту-імпарту

Беларусь экспартуе рапсавы алей больш чым у дзесяць краін свету, у асноўным у дзяржавы ЕС (Літва, Нарвегія, Эстонія), а таксама ў Ізраіль. Значныя аб’ёмы экспарту рапсавага алею прыпадаюць на суседнюю Літву, доля продажаў у якую вырасла з 48 % у 2012 годзе да 67 % ў 2016 годзе^[3].

Таксама Беларусь экспартуе некаторую колькасць макухі, у асноўным рапсавую і соевую.

Табліца паказвае дынаміку экспарту макухі розных відаў з Беларусі ў тыс. тон^[4]:

	2012	2013	2014	2015	2016
Рапсавы	37,3	69,9	79,0	85,8	5,4
Соевы	0,1	0,1	-	0.0	0,9
Ільняны	0,1	-	0,1	0.0	-
Сланечнікавы	0,1	-	0,1	-	-
Іншыя	0,2	-	0,1	-	-
Усяго	37,8	69,9	79,2	85,9	6,3

Баланс вытворчасці і спажывання прадукцыі алейна-тлушчавай прамысловасці ў Беларусі на 2016 год у тыс. тон^[5]:

	Вытворчасць	Вываз	Увоз	Унутранае спажыванне
Насенне алейных культур	260,0	0,2	107,2	367,0
Алей	119,3	44,9	101,8	178,6
Жмыхі і шроты	214,0	23,1	708,9	916,6

Зноскі

1. Основные производители масложировой продукции Беларуси в 2016 г., млн. т/год. С. 118 (руск.)
2. Беларуская энцыклапедыя: У 18 т., Т. 18. Кн.2: Рэспубліка Беларусь / Рэд кал.: Г. П. Пашкоў і інш.. — Мн.: БелЭн, 2004. — С. 337. — 760 с. — 10 000 экз. — ISBN 985-11-0295-4.
3. Экспорт рапсового масла. С. 174 (руск.)
4. Динамика экспорта жмыхов различных видов из Беларуси. С. 180 (руск.)
5. Баланс производства и потребления. С. 192 (руск.)

Літаратура

• Беларуская энцыклапедыя: У 18 т., Т. 18. Кн.2: Рэспубліка Беларусь / Рэд кал.: Г. П. Пашкоў і інш.. — Мн.: БелЭн, 2004. — С. 336. — 760 с. — 10 000 экз. — ISBN 985-11-0295-4.