Храм Святога Іліі Прарока, Святога Вернага князя Аляксандра Неўскага і святой пакутніцы Параскевы на Парахавых (1782—1785, арх. М. А. Львоў) — дзеючы праваслаўны храм у Санкт-Пецярбургу. Размешчаны па адрасе Шаша Рэвалюцыі, д. 75.
Ільінская царква пабудавана ў стылі ранняга рускага класіцызму і ўяўляе сабой круглую ратонду, акружаную каланадай з шаснаццаці іанічных калон. Сцены пафарбаваны ў жоўты колер. Паміж дзвюма калонамі размешчаны вокны: унізе — арачныя, уверсе — круглыя. Па краю даху праведзена круглая балюстрада. Трохі бліжэй да цэнтра даху на ёй размешчаны прысадзісты купал чорнага колеру на нізкім, амаль адсутным барабане. Купал вянчае ліхтарык з крыжам. Уся зала распісаная блакітным колерам — імітацыя неба. У цэнтры столі знаходзіцца вялікі абраз Ісуса Хрыста.
Літаратура
- Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. ISBN 5-85270-037-1
