Трэчэнта (іт. trecento — літар. трыста, а таксама 1300-я гг.) — прынятая ў італьянскай мове назва XIV ст.
У гісторыі мастацтва і культуры «трэчэнта» выкарыстоўваецца для абазначэння пэўнага перыяду ў развіцці італьянскага мастацтва Адраджэння — перыяду Протарэнесансу. Вядучым відам выяўленчага мастацтва трэчэнта быў жывапіс: найбольш тыповая — сіенская школа жывапісу. У той час тварыў вялікі фларэнтыец, родапачынальнік рэалістычнага кірунку Джота дзі Бандонэ.
У літаратуры трэчэнта адбыўся паварот да гуманізму: тварылі Дантэ, Петрарка, Бакача.