PROFILBARU.COM

Тамара Вартанаўна Міянсарава
Тамара Вартанаўна Міянсарава
Дата нараджэння	9 чэрвеня 1913
Месца нараджэння	Масква, Маскоўская губерня, Расійская імперыя;
Дата смерці	1 кастрычніка 1990 (77 гадоў)
Месца смерці	Мінск, БССР, СССР;
Месца пахавання	Усходнія могілкі;
Краіна	Расійская імперыя; СССР;
Муж	Міхаіл Іванавіч Дзянісаў
Альма-матар	Ерэванская дзяржаўная кансерваторыя імя Камітаса;
Месца працы	Армянскі тэатр оперы і балета імя А. А. Спендыярава; Беларускі дзяржаўны Вялікі тэатр оперы і балета; Камітэт па радыёфікацыі і радыёвяшчанні пры СНК БССР;
Музычная дзейнасць
Прафесіі	музыкант
Інструменты	фартэпіяна
Грамадская дзейнасць
Член у	БСТД;
Узнагароды

Тамара Вартанаўна Міянса́рава^[1] (9 чэрвеня 1913 — 1 кастрычніка 1990) — беларуская піяністка, заслужаная артыстка БССР (1966). Член Беларускага саюза тэатральных дзеячаў (1947).

Біяграфія

Нарадзілася ў Маскве. З дзяцінства займалася музыкай, была акампаніятарам танцавальнай студыі^[2]. Вучылася ў Стаўрапольскім музычным тэхнікуме і адначасова працавала ў балетнай студыі, драматычным тэатры^[2]. Пасля атрымання дыплома аб сярэдняй музычнай адукацыі ў 1931 годзе Тамару Міянсараву накіравалі ў горад Іванава, дзе яна працавала канцэртмайстрам на радыё^[2]. У 1932 годзе яе запрасілі на пасаду галоўнага канцэртмайстра ў Ерэванскі тэатр оперы і балета, дзе і працавала да 1944 года^[2]. Адначасова вучылася на фартэпіянным факультэце Ерэванскай кансерваторыі па класе прафесара А. Бабасавай. Кансерваторыю скончыла ў 1937 годзе. У 1944 годзе разам з мужам М. І. Дзянісавым прыехала ў Мінск^[3]. У 1944—1948 гадах працавала канцэртмайстрам у Беларускім тэатры оперы і балета, у 1948—1985 гадах — канцэртмайстрам-акампаніятарам Дзяржаўнага камітэта Савета Міністраў БССР па тэлебачанні і радыёвяшчанні (сучасная Нацыянальная дзяржаўная тэлерадыёкампанія Рэспублікі Беларусь).

Памерла 1 кастрычніка 1990 года. Пахавана ў Мінску на Усходніх могілках ^[3].

Творчасць

Т. В. Міянсарава прымала ўдзел у пастаноўцы опер «Алеся» Я. Цікоцкага, «Кастусь Каліноўскі» Д. Лукаса, «Марынка» і «Машэка» Р. Пукста, «Андрэй Касценя» М. Аладава, «Страшны двор» С. Манюшкі. Выступала на канцэртах з такімі вакалістамі, як Л. Аляксеева, Т. Ніжнікава, Н. Ткачэнка, Т. Шышко, М. Дзянісаў, В. Глушакоў, з інструменталістамі А. Астрамецкім, Л. Гарэлікам, М. Шмелькіным і інш. Давала канцэрты ў Маскве, Ленінградзе, Кіеве, Рызе, Вільнюсе, гарадах Закаўказзя і Беларусі. Зрабіла шмат запісаў на тэлебачанні і радыё, грампласцінак. Была і актыўным прапагандыстам музыкі беларускіх кампазітараў, часта з’яўлялася першым выканаўцам іх твораў.

Зноскі

↑ Беларусь 1995.
↑ ^а ^б ^в ^г Міянсарава Тамара Вартанаўна на сайце анлайн-энцыклапедыі «Беларусь у асобах і падзеях»
↑ ^а ^б Тамара Вартановна Миансарова Архівавана 21 сакавіка 2023. (руск.) // Інтэрнэт-газета армян Беларусі «Миасин»

Літаратура

Міянса́рава Тамара Вартанаўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 499. — 800 с. — 5 000 экз. — ISBN 985-11-0026-9.
Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 494. — 10 000 экз. — ISBN 985-11-0035-8. — ISBN 985-11-0169-9 (т. 10).