Прамысла (руск.: Промысла́) — рабочы пасёлак у Горназаводскім раёне Пермскага краю Расіі. Уваходзіць у склад Цеплагорскага сельскага паселішча. Размешчаны ў горна-тайговай мясцовасці Сярэдняга Урала на рацэ Палудзёнцы, прытоку Койвы. У межах пасёлка і ў паўднёва-ўсходніх яго ваколіцах па рэчышчы ракі Палудзёнкі ёсць некалькі сажалак-выпрацовак. Пасёлак знаходзіцца прыкладна за 9 км на паўночны ўсход ад цэнтра паселішча, пгт. Цёплая Гара, і за 65 км на паўночны ўсход ад раённага цэнтра, горада Горназаводска. За 5 км на поўнач знаходзіцца гара Каўпакі — ландшафтны помнік прыроды рэгіянальнага значэння. Насельніцтва — 383 чалавека (2023).