Ленінапад

Ленінапа́д — стыхійны дэмантаж або знос помнікаў Леніну. Атрымаў такую назву падчас Еўрамайдана ва Украіне.

Гісторыя

Пастамент помніка Леніну пасля зносу статуі. Харкаў, 29 верасня 2015 года.

Першы выпадак зносу помніка Леніну ва Украіне зафіксаваны 1 жніўня 1990 года ў Чэрванаградзе Львоўскай вобласці. У 1990-х гадах на Галічыне і Валыні дэмантавана каля 2000 помнікаў Леніну. На пачатку 2000-х гадоў дэмантавана каля 600 помнікаў Леніну, пераважна ў цэнтральных абласцях Украіны. З пачаткам Еўрамайдана ў 2013 годзе актывісты знеслі помнік Леніну на Бесарабскай плошчы ў Кіеве. Пачаўся стыхійны дэмантаж і ва ўсходніх абласцях Украіны. За 2014 год знесена 552 манумента Леніну.

Ленінапад у Беларусі

На думку маскоўскага культуролага Дзмітрыя Кудзінава, Беларусь — адзіная краіна на прасторы былога СССР, дзе помнікі Леніну пакуль не зносілі цэнтралізавана^[1]. Знос помнікаў Леніну практыкуецца рэдка, часцей іх пераносяць у іншыя месцы. Напрыклад, 24 лютага 2015 года ў мінскім мікрараёне Вялікі Лес быў знесены помнік Леніну^[2], каб зрабіць скрыжаванне^[3], а праз два месяцы гэты помнік быў устаноўлены каля школы № 84 г. Мінска^[4].

Гл. таксама

• Дэкамунізацыя ва Украіне
  • Украінскія законы пра дэкамунізацыю^[uk]
• Дэрусіфікацыя ва Украіне^[uk]
  • Закон Украіны «Пра асуджэнне і забарону прапаганды расійскай імперскай палітыкі ва Украіне і дэкаланізацыю тапанімікі»^[uk]
  • Пушкінапад

Крыніцы

1. За гады незалежнасці ў Беларусі стала на 200 помнікаў Леніну меней Архівавана 4 сакавіка 2016. // UDF.by, навіны
2. Будаўнікі ў Мінску скінулі помнік Леніну Архівавана 5 сакавіка 2016. // Хартыя'97, навіны
3. Памятник Ленину устанавливают возле минской школы
4. Ля школы ва Уруччы паставілі помнік Леніну // Наша Ніва

Спасылкі

• Херсон: знос помніка Леніну ў цэнтры горада
• Від ленінізму до ленінопаду — Павло Подобєд, Український інститут національної пам’яті; Архівавана 5 сакавіка 2016. Першакрыніца: [1].
• 32 гарады і мястэчкі Беларусі, дзе больш няма помніка Леніну // «Радыё Свабода»