PROFILBARU.COM

Кастусь Жук
Кастусь Жук
Асабістыя звесткі
Дата нараджэння	2 мая 1954 (70 гадоў)
Месца нараджэння	Затур’я, Юшавіцкі сельсавет, Нясвіжскі раён, Мінская вобласць, БССР, СССР;
Грамадзянства	Беларусь;
Альма-матар	філалагічны факультэт БДУ;
Месца працы	Нацыянальная дзяржаўная тэлерадыёкампанія Рэспублікі Беларусь; Мастацкая літаратура; Чырвоная змена; На стройках Минска[d];
Прафесійная дзейнасць
Род дзейнасці	паэт
Мова твораў	беларуская
Грамадская дзейнасць
Член у	Саюз беларускіх пісьменнікаў;
Прэміі	Прэмія Федэрацыі прафсаюзаў Беларусі

Кастусь Жук, поўнае імя Канстанцін Якаўлевіч Жук (2 мая 1954, Затур’я, Нясвіжскі раён — 25 лютага 2023^{[крыніца?]}) — беларускі паэт.

Біяграфія

Нарадзіўся 2 мая 1954 года ў Затур’і Нясвіжскага раёна^[1].

Пасля заканчэння ў 1971 годзе Сейлавіцкай сярэдняй школы і курсаў шафёраў пры нясвіжскім аўтамотаклубе ДТСААФ служыў у Савецкай Арміі. У 1974—1979 гг. працаваў наладчыкам і электразваршчыкам на Мінскім трактарным заводзе і адначасова вучыўся на вячэрнім аддзяленні філалагічнага факультэта БДУ^[2].

З канца 1970-х гадоў займаўся літаратурнай працай: пісаў вершы, быў літсупрацоўнікам газеты «Чырвоная змена» (1979), карэспандэнтам шматтыражнай газеты мінскіх будаўнікоў «На стройках Минска» (1979—1981). У 1981 г. атрымаў дыплом аб вышэйшай адукацыі і быў прыняты на пасаду рэдактара Беларускага тэлебачання. У 1988—2004 гг. працаваў рэактарам, узначальваў аддзел у выдавецтве «Мастацкая літаратура»^[2].

Член Саюза беларускіх пісьменнікаў з 1988 года^[2].

Творчасць

Першыя вершаваныя радкі Кастуся Жука з’явіліся ў нясвіжскай раённай газеце «Чырвоны сцяг» у 1968 г. У 1979 г. у серыі «Першая кніга паэта» выйшаў калектыўны зборнік «Нашчадкі», дзе была змешчана і падборка вершаў К. Жука. Яго паэтычныя творы раз-пораз друкаваліся ў альманаху «Дзень паэзіі»^[2].

Першая кніга паэта «Планета маёй душы» была надрукавана ў 1982 г. Пазней свет пабачылі кнігі «Зямная ноша» (1988), «Пладаносны агонь» (1991), «У найме сонца» (1992)^[2].

У паэтычных творах К. Жука адной з вядучых з’яўляецца тэма Радзімы: шмат вершаў паэт прысвяціў трагічнай гісторыі Беларусі, самаахвярнасці і мужнасці яе народа. У 1997 г. выйшла наступная кніга паэзіі К. Жука «Галгофа». У зборнік увайшлі паэмы «Дванаццаць апосталаў», «Леснічоўка», «Галгофа», вершы. Глыбокае веданне жыцця з усімі яго праявамі дапамагло аўтару трапна і метафарычна адлюстраваць рэчаіснасць, раскрыць характары літаратурных герояў у іх змаганні з жорсткасцю жыццёвых выпрабаванняў^[2].

Піша К. Жук і для дзяцей. Аўтар кніг вершаў, казак, скорагаворак і загадак «Шпак купіў магнітафон» (1996), «Бегемот без ботаў» (2004). Вершы паэта «Францыску Скарыну», «Матчыны словы» сталі хрэстаматыйнымі^[2].

Творы Кастуся Жука будуюцца на філасофскім асэнсаванні дабра і зла, чалавечых набыткаў і страт, востра ставяцца ў яго паэзіі маральна-этычныя і сацыяльныя праблемы, якія патрабуюць неадкладнага вырашэння. Паэт плённа працуе і сёння, шэраг яго твораў пераведзены на рускую і ўкраінскую мовы^[2].

Узнагароды

У 1999 годзе кніга вершаў «Галгофа» была адзначана Прэміяй Федэрацыі прафсаюзаў Беларусі^[2].

Крыніцы

↑ Жук Кастусь // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.
↑ ^а ^б ^в ^г ^д ^е ^ё ^ж ^з Кастусь Жук на сайце анлайн-энцыклапедыі «Беларусь у асобах і падзеях»

Літаратура

Жук Кастусь // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.