Герб Партугаліі афіцыйна прыняты 30 чэрвеня 1911 г. разам з сцягам Партугаліі.

Апісанне

Герб Партугаліі ўяўляе сабой залатую армілярную сферу, на якую змешчаны геральдычны шчыт. На шчыце, на белым фоне ў форме крыжа намалявана 5 малых сініх шчытоў. На малых шчытах намалявана па 5 срэбных безантаў. Па баках вялікага шчыта шырокая чырвоная каемка з сямю залатымі замкамі. Армілярная сфера апраўленая залатымі галінамі, перавязанымі знізу двума стужкамі — чырвонай і зялёнай стужкай (колеры дзяржаўнага сцяга).

Гісторыя і значэнне

Сучасны партугальскі герб — вынік тысячагадовых змен. Герб бярэ свой пачатак ад сіняга крыжа на срэбным фоне Генрыха Бургундскага, да якога паступова дадаваліся і прыбіраліся новыя элементы, і завяршыўся вялікім комплексам геральдычных элементаў у 1911 годзе.

Замкі

Падчас кіравання Афонсу III з'явілася чырвоная каемка з залатымі замкамі (не з вежамі, як сцвярджаюць некаторыя крыніцы, а менавіта з замкамі). Лік замкаў змяняўся ад 8 да 12. Афонса IV вызначыў 12, а Себасцьян I канчаткова зацвердзіў 7. Меркавана, яны азначаюць маўрытанскія замкі, адваяваныя Партугаліяй падчас Рэканкісты. Магчыма, яны кастыльскія, але ў адрозненне ад іспанскіх, адлюстроўваных з сінімі адчыненымі варотамі, Партугальскія замкі намаляваныя з зачыненымі залатымі варотамі.