| Гасразліковая доследная вытворчасць Інстытута біяарганічнай хіміі НАН Беларусі |
|---|
| Міжнародная назва |
The self-supporting Pilot Production of the Іnstitute of Bioorganic Chemistry of National Academy of Science of Belarus |
| Дата заснавання |
1986 |
| Тып |
унітарнае прадпрыемства |
| Юрыдычны адрас |
 Беларусь, 220141, Мінск, вул. Акадэміка Купрэвіча, д. 5, корп. 5. |
| Сайт |
hopiboh.org |
Гасразліковая доследная вытворчасць Інстытута біяарганічнай хіміі НАН Беларусі — прадпрыемства ў структуры Нацыянальнай акадэміі навук Беларусі.
Дзейнасць
Заснавана ў 1986 годзе як спецыялізаванае прадпрыемства па вытворчасці радыёімунных набораў для дыягностыкі розных захворванняў чалавека. Сёння гэта біятэхналагічнае прадпрыемства з высокакваліфікаваным персаналам і сучаснай вытворча-тэхнічнай базай, якая дае магчымасць выконваць складаныя тэхналагічныя працэсы і выпускаць розную медыцынскую и фармацэщтычную прадукцыю. Прадпрыемства сумесна з Інстытутам біяарганічнай хіміі НАН Беларусі ажыццяўляе распрацоўку і вытворчасць імунаферментных набораў гарманальнага (для вызначэння тырэяідных, стэроідных і гіпафізарных гармонаў) і анкалагічнага профіляў; набораў на аснове лантаніднага імунафлуарыметрычнага аналізу для прэнатальнай і неанатальнай дыягностыкі. Выпускаемыя прадпрыемствам на аснове вытворчай кааперацыі імунаферментныя наборы інфекцыйнага профілю прызначаны для дыягностыкі сіфілісу, вірусных гепатытаў В і С, ToRCH-інфекцый, СНІДу і каранавіруса.
Прадукцыя
- Імунахраматаграфічныя экспрэс-тэсты
- Радыёімунныя наборы
- Імунаферментныя наборы для дыягностыкі саматычных захворванняў
- Імунаферментныя наборы для дыягностыкі інфекцыйных захворванняў
- Дыягностыкум для выяўлення антыцелаў да ўзбуджальніка сіфілісу
- Імунаферментныя наборы для ветэрынарыі
- Імунафлуарыметрычныя наборы для прэнатальнай і неанатальнай дыягностыкі
- Біяхімічныя наборы
- Прабіркі для хуткага атрымання сыраваткі крыві
- Экспрэс-тэсты для выяўлення SARS-CoV-2 і інш.
