Віталь Воранаў

Віталь Воранаў
Асабістыя звесткі
Дата нараджэння	18 сакавіка 1983(1983-03-18) (41 год)
Месца нараджэння	Мінск, БССР, СССР
Грамадзянства	Беларусь  Польшча
Альма-матар	Універсітэт імя Адама Міцкевіча Масарыкаў універсітэт
Прафесійная дзейнасць
Род дзейнасці	драматург, перакладчык, пісьменнік, паэт, літаратурны крытык, журналіст, выдавец, грамадскі дзеяч, выкладчык універсітэта
Мова твораў	польская і беларуская
Грамадская дзейнасць
Член у	Беларускі культурна-асветніцкі цэнтр у Познані
voranau.com

Віта́ль Во́ранаў (18 сакавіка 1983, Мінск) — беларускі перакладчык, літаратар, выдавец, публіцыст і ўніверсітэцкі выкладчык^[1].

Біяграфія

Вучыўся ў школе № 2 у Глыбокім (1991—1995). Закончыў пяць класаў глыбоцкай музычнай школы па спецыяльнасці фартэпіяна і тры класы па спецыяльнасці саксафон^[2]. Папулярызуе беларускую дуду^[3].

У 1996 разам з бацькамі эміграваў у Польшчу. Атрымаў сярэднюю адукацыю і міжнародны дыплом у Першым прыватным ліцэі ў Познані (1999—2003). Абсальвент універсітэта імя Адама Міцкевіча і універсітэта Масарыка ў Брне. Больш за тры гады працаваў арганістам, а таксама год у якасці вядучага аўтарскай праграмы на FM-радыё «Afera  (польск.)»^[2].

Сузаснавальнік і старшыня Беларускага культурна-асветніцкага цэнтра ў Познані. Заснавальнік выдавецтва «Белы крумкач»^[4]. Адзін з рэдактараў літаратурнага часопісу «Паэтычныя Сшыткі» (Гнезна, Польшча), у якім у 2013 годзе выйшаў зборнік апавяданняў «Wielkie Księstwo Białoruś» (Вялікае княства Беларусь)^[5]. Праз год публікуе зборнік апавяданняў «Шэптам», заснаваны на матэрыялах фальклорных экспедыцыяў па Палессі і Падляшшы^{[6][7][8][9][10]}. Абедзве кнігі выдадзены ў Польшчы па-беларуску з перакладам на польскую мову. У 2017 годзе пабачыла свет кніга «Дударская Глыбоччына»^[11].

Перакладае з англійскай, чэшскай і польскай моў. Пераклаў на беларускую «У чаканні Гадо» Сэмюэла Бекета, «Віня-Пых» Алана Мілна. Для польскага гурта «Triquetra  (бел. (тар.))» пераклаў лірыку да альбома «Скандал  (бел. (тар.))», што дазволіла музыкам перамагчы на «Басовішчы-2003»^[2]. Разам з брыт-поп гуртом «Hair Peace Salon» удзельнічаў у музычных праектах грамадскай кампаніі Будзьма Беларусамі! «Тузін. Перазагрузка» (сумесна з Тузін Гітоў) з беларускамоўнай лірыкай да кампазіцыі «Студзень» (англ.: Ice Age),^{[12][13][14][15][16]} «Budzma The Best Rock / Budzma The Best Rock/New» (сумесна з Еўрапейскім радыё для Беларусі) з літаратурным перакладам слоў песні «Цянькі» (англ.: Gipsy),^[17] таксама працаваў разам з Atlantica, Tanin Jazz ды іншымі.^[12][13]

Піша прозу і палемічныя артыкулы, якія друкуюцца у літаратурных часопісах і беларускай перыёдыцы.^[18]

Крыніцы

1. New Faculty and Staff for 2012—2013 at SC. // skans.edu, 17 жніўня 2012 г.
2. гіт-парад. тур # 10 (104). 23 студзеня — 5 лютага 2009  (бел.)(недаступная спасылка). Тузін Гітоў. Архівавана з першакрыніцы 5 лютага 2009. Праверана 26 сакавіка 2020.
3. Комінч, Ганна. Віталь Воранаў - папулярызатар беларускай дуды  (бел.). Беларускае Радыё Рацыя (30 ліпеня 2019). Архівавана з першакрыніцы 19 ліпеня 2020. Праверана 19 ліпеня 2020.
4. Дорская, Саша; Ясіньскі, Пшэмысл (2010-03-19). "Пад крылом белага крумкача" (PDF). Літаратура і мастацтва (№ 11 (4555)): 15. ISSN 0024-4686. Архівавана з арыгінала (PDF) 14 сакавіка 2020. Праверана 14 сакавіка 2020. {{cite journal}}: |issue= мае залішні тэкст (даведка)
5. ШВ. «Вялікае княства Беларусь». Іранічны адказ на жыццёвы абсурд  (бел.). Белсат (2 ліпеня 2013). Архівавана з першакрыніцы 28 сакавіка 2020. Праверана 28 сакавіка 2020.
6. У Віталя Воранава выйшла новая кніга  (бел.). Саюз беларускіх пісьменнікаў (8 студзеня 2015). Архівавана з першакрыніцы 17 сакавіка 2020. Праверана 30 сакавіка 2020.
7. Весялуха, Марына. Сіла шэпту  (бел.). bookster.by (29 ліпеня 2015). Архівавана з першакрыніцы 30 сакавіка 2020. Праверана 30 сакавіка 2020.
8. Кроква, Васіль. Віталь Воранаў прэзентаваў сваю новую кнігу ў Беластоку  (бел.). Беларускае Радыё Рацыя (14 лютага 2015). Архівавана з першакрыніцы 19 ліпеня 2020. Праверана 19 ліпеня 2020.
9. Гайко, Давід. Віталь Воранаў прэзентаваў кнігу "Шэптам" у Гайнаўцы  (бел.). Беларускае Радыё Рацыя (19 сакавіка 2015). Архівавана з першакрыніцы 19 ліпеня 2020. Праверана 19 ліпеня 2020.
10. Віталь Воранаў распавёў у Варшаве пра шаптух  (бел.). Беларускае Радыё Рацыя (14 сакавіка 2015). Архівавана з першакрыніцы 19 ліпеня 2020. Праверана 19 ліпеня 2020.
11. Смоткіна, Таццяна. Выйшла ў свет кніга Віталя Воранава «Дударская Глыбоччына»  (бел.). Беларускае Радыё Рацыя (6 красавіка 2017). Архівавана з першакрыніцы 19 ліпеня 2020. Праверана 19 ліпеня 2020.
12. Выйшаў CD праекту "Тузін.Перазагрузка"  (бел.). experty.by (21 снежня 2009). Архівавана з першакрыніцы 4 сакавіка 2019. Праверана 2 снежня 2018.
13. Holdings: Тузін. Перазагрузка  (бел.). Нацыянальная бібліятэка Беларусі. Праверана 18 лістапада 2018.
14. SB. Hair Peace Salon: надзеі спраўдзіліся  (бел.). Тузін Гітоў (5 верасня 2009). Архівавана з першакрыніцы 8 студзеня 2011. Праверана 28 сакавіка 2020.
15. modern_friend. Hair Peace Salon: путь к белорусизации (нявызн.). Современный друг лучше старых двух! (29 чэрвеня 2010). Праверана 16 лістапада 2018.
16. “Тузін. Перазагрузка”: мова натхняе  (бел.). Тузін Гітоў. TUT.BY (6 ліпеня 2009). Архівавана з першакрыніцы 4 сакавіка 2019. Праверана 23 лістапада 2018.
17. Budzma The Best Rock [Гуказапіс ; Budzma The Best Rock / New / Еўрапейскае Радыё для Беларусі]  (бел.). Нацыянальная бібліятэка Беларусі. Архівавана з першакрыніцы 11 сакавіка 2019. Праверана 26 снежня 2018.
18. Віталь Воранаў // Новы Час, 7 кастрычніка 2012 г.

Спасылкі

• Афіцыйны youtube-канал «Некарэктнае ТБ»