Падчас вайны 1390–1392 ў годнасці віленскага старосты згадваюцца Клемент, Мікалай Маскажэўскі ды Яська з Алясніцы.
У 1393 як віленскі староста аднойчы згаданы Міхал Мінігайла. У. Сямковіч лічыў, што гэта можа быць памылкаю, бо і перад, і пасля гэтай даты Мінігайла трымаў урад старосты ашмянскага.
У 1413 пасада старосты віленскага была зробленая ваяводскаю, і апошні староста, Войцех Манівід, стаў такім чынам першым ваяводам. Пасада віленскага ваяводы была адной з найзначнейшых у дзяржаве, і займалі яе звычайна прадстаўнікі найбольш уплывовых арыстакратычных родаў ВКЛ.
