Вальдывія

Горад і камуна Вальдывія ісп.: Valdivia Герб Сцяг^[d] Краіна  Чылі Вобласць Лос-Рыяс Правінцыя Вальдывія Камуна Вальдывія Каардынаты 39°48′ пд. ш. 73°14′ з. д.^HGЯO Алькальд Bernardo Berger Fett Заснаваны 1552 Плошча 1015,60 км² Вышыня цэнтра 4 м Афіцыйная мова іспанская мова Насельніцтва 150 048 чал. (2017)[1] Шчыльнасць 151,22 чал./км² Этнахаронім valdiviano, valdiviana Часавы пояс UTC-4, летам UTC-3 Паштовыя індэксы 5090000 Афіцыйны сайт munivaldivia.cl (ісп.) Карта Камуна Вальдывія на карце вобласці Лос-Рыяс Вальдывія на карце Чылі

Медыяфайлы на Вікісховішчы

Вальды́вія (ісп.: Valdivia) — горад і марскі порт у Чылі. Адміністрацыйны цэнтр аднайменнай камуны, правінцыі Вальдывія і вобласці Лос-Рыяс. Станам на 2002 год насельніцтва горада складае 127 750 чалавек.

Тэрыторыя камуны — 1015,60 км². Колькасць насельніцтва — 153 577 жыхароў (2007). Шчыльнасць насельніцтва — 151,22 чал./км².

Геаграфія

Горад размешчаны за 745 кіламетраў на паўднёвы захад ад сталіцы Чылі горада Сант’яга. Порт знаходзіцца на рацэ Вальдывіі, за 20 кіламетраў ад вусця. Праз горад працякаюць тры ракі: Кау-Кау на поўначы, Крусес на захадзе і Вальдывія на паўднёвым усходзе. Яны ўтвараюць рачны востраў Тэха, які цяпер знаходзіцца ў межах горада. Першапачаткова востраў быў па-за горадам, але нямецкія імігранты пачалі там сяліцца і з 1939 года востраў злучылі з цэнтрам горада мостам «дэ Вальдывія Педра». У 1960 годзе пасля землетрасення большая частка заходняй часткі вострава апусцілася ніжэй узроўню вады.

Гісторыя

Горад заснаваў першы губернатар Чылі канкістадор Педра дэ Вальдывія 9 лютага 1552 года. Доўгі час паселішча Санта-Марыа-ля-Блака-дэ-Вальдывія было адным з фарпостаў іспанскіх каланізатараў, аж да 1810—1811 гадоў, калі Чылі стала незалежнай дзяржавай.

У 1954 годзе ў горадзе быў адкрыты ўніверсітэт, а 22 мая 1960 года недалёка ад горада знаходзіўся эпіцэнтр самага магутнага ў гісторыі вымярэнняў землетрасення, у выніку чаго горад быў практычна разбураны.

Клімат

Горад размешчаны на 39-й паралелі паўднёвай шыраты, аднак, з-за халоднага і магутнага цячэння Гумбальта клімат халаднаваты і вільготны, але роўны, тэмпература ніжэй нуля і спёка бываюць вельмі рэдка. Сярэдняя тэмпература на працягу года вагаецца ад 8 да 16-17 °C, а ападкаў у выглядзе дажджу выпадае каля 2000 мм у год, што амаль у тры разы больш, чым у Лондане. Снег выпадае вельмі рэдка і хутка растае.

Клімат Вальдывіі
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	35,2	35,0	31,4	28,0	26,4	24,6	23,8	25,0	25,4	29,2	29,8	33,2	35,2
Сярэдні максімум, °C	23,6	24,1	21,3	17,4	14,1	11,7	11,2	12,7	15,0	17,2	19,4	21,8	17,6
Сярэдні мінімум, °C	9,3	9,1	7,9	6,5	6,2	5,0	4,2	4,2	4,7	5,8	7,1	8,8	6,6
Абсалютны мінімум, °C	1,0	0,6	−1	−3,2	−5	−7	−7,2	−5	−4,5	−2	−1,4	0,0	−7,2
Норма ападкаў, мм	123	104	123	185	316	374	355	270	193	145	130	107	2 429
Крыніца: Climatebase

Дэмаграфія

Паводле звестак, сабраных падчас перапісу Нацыянальным інстытутам статыстыкі, насельніцтва камуны складае 153 577 чалавек, з якіх 75 239 мужчын і 78 338 жанчын.

Насельніцтва камуны складае 41,1 % ад агульнай колькасці насельніцтва вобласці Лос-Рыяс. 9,01 % складае сельскае і 90,99 % — гарадское насельніцтва.

Гарады-пабрацімы

•  Гамбург, Германія
•  Калау^[d], Германія
•  Клуж-Напока, Румынія
•  Маўнт-Плезант, ЗША
•  Неўкен, Аргенціна
•  Такома, ЗША
•  Хобарт, Аўстралія

Зноскі

1. 2017 Chile census
   <a href="https://wikidata.org/wiki/Track:Q21001879"></a>

Літаратура

• Вальдывія, горад на Пд Чылі // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 491. — 10 000 экз. — ISBN 985-11-0035-8. — ISBN 985-11-0068-4 (т. 3).

Спасылкі

• На Вікісховішчы ёсць медыяфайлы па тэме Вальдывія
• Афіцыйны сайт камуны
• Вальдывія. Вялікая савецкая энцыклапедыя Архівавана 10 верасня 2014.