Бярозавыя

Бярозавыя
Бяроза павіслая (Betula pendula)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Букакветныя Сямейства:  Бярозавыя
Міжнародная навуковая назва
Betulaceae Gray, 1821
Сінонімы
Carpinaceae Vest Corylaceae Mirb.
Даччыныя таксоны
Бярозавыя (Betuloideae) Coryloideae
Сістэматыка на Віківідах Выявы на Вікісховішчы ITIS   19465 NCBI   3514 EOL   5528 GRIN   f:144 IPNI   77126723-1 FW   54589

Бярозавыя^[1] (Betulaсеае) — сямейства двухсемядольных раслін.

Батанічнае апісанне

Аднадомныя, лістападныя, ветраапыляльныя расліны. У сям'ю бярозавых уваходзяць дрэвы і хмызнякі з простымі, суцэльнымі чарговымі лістамі з прылісткамі, якія рана ападаюць. Кветкі ў каташковых і галоўчатых складаных суквеццях з дыхазіяў, аднаполыя, у двухчленных кругах. Плады — арэхі.

Арэал

Бярозавыя — гэта тыповыя барэальныя расліны, распаўсюджаныя ва ўсіх умераных, пазатрапічных абласцях паўночнага паўшар'я. У Беларусі прадстаўлена родамі бяроза (Betula) і вольха (Alnus). Толькі асобныя віды вольхі заходзяць у Паўднёвую Амерыку (да Чылі і Аргенціны), у Азію (да Бенгаліі і Паўночнага В'етнама, дзе растуць у гарах). Асобныя віды бярозы і вольхі даходзяць да лесатундры, у тундру, а ў гарах даходзяць да субальпійскага пояса. У гэтых умовах яны маюць карлікавую і сцелістую форму. Найбольш поўна бярозавыя прадстаўлены ў флоры ўсходніх частак Азіі і Паўночнай Амерыкі. Бярозавыя з'яўляюцца важным кампанентам хвойных і змешаных лясоў, месцамі ўтвараюць чыстыя лясныя і хмызняковыя згуртаванні.

Сістэматыка

Сямейства складае 6 ці 7 родаў:

• Betuloideae — Бярозавыя
  • Alnus Mill. — Вольха
  • Duschekia Opiz. Гэты род часам разглядаюць як самастойны, але часцей ўключаюць у склад роду Вольха^[2][3]
  • Betula — Бяроза
• Coryloideae — Ляшчынавыя
  • Carpinus — Граб
  • Corylus — Ляшчына
  • Ostrya — Хмеляграб
  • Ostryopsis

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 145. — 160 с. — 2 350 экз.
2. Duschekia: інфармацыя на сайце GRIN
3. World Checklist of Selected Plant Families: Royal Botanic Gardens, Kew: Duschekia

Літаратура

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6