PROFILBARU.COM

Андрэй Альшанік
Андрэй Альшанік
Поўнае імя	Андрэй Дзянісавіч Альшанік
Нарадзіўся	3 мая 1999 (25 гадоў); Асіповічы, Асіповіцкі раён, Магілёўская вобласць, Беларусь;
Грамадзянства	Беларусь
Рост	175 см
Вага	75 кг
Пазіцыя	паўабаронца
Інфармацыя пра клуб
Клуб	Макслайн
Нумар	15
Клубная кар’ера
2024—	Макслайн (Віцебск)
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 жніўня 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 19 жніўня 2019 ;

Андрэй Альшанік (нар. 3 мая 1999, Асіповічы) — беларускі футбаліст, паўабаронца віцебскага «Макслайна».

Клубная кар’ера

Выхаванец мінскай футбольнай школы «Трактар», з 2015 года пачаў выступаць за дубль барысаўскага БАТЭ, на наступны год замацаваўся ў дубліруючым складзе. У 2015 годзе гуляў за барысаўскі клуб таксама ў Юніёрскай лізе УЕФА. 7 ліпеня 2017 года дэбютаваў у асноўнай камандзе БАТЭ, выйшаўшы на замену ў другім тайме ў матчы Кубка Беларусі супраць стаўбцоўскага «Нёмана-Агра» (5:1).

У жніўні 2018 года перайшоў у сталічны «Энергетык-БДУ»^[3]. У складзе сталічнай каманды стаў выхадзіць у стартавым складзе і дапамог ёй выйсці ў Вышэйшую лігу. У сакавіку 2019 года быў аддадзены ў арэнду наваполацкаму «Нафтану»^[4], дзе таксама быў іграком асновы. У жніўні 2019 года вярнуўся ў «Энергетык-БДУ»^[5]. 11 жніўня 2019 года дэбютаваў у Вышэйшай лізе, выйшаўшы на замену ў другім тайме ў матчы супраць БАТЭ (1:4). У далейшым яшчэ некалькі разоў з’явіўся ў асноўнай камандзе, аднак пераважна гуляў за дубль.

У студзені 2020 года на правах арэнды далучыўся да «Смалявічаў»^[6]. Рыхтаваўся разам з камандай да новага сезона, аднак у сакавіку пакінуў яе^[7], так і не згуляўшы ў афіцыйных матчах, і неўзабаве адправіўся на прагляд у «Крумкачы». У красавіку 2020 года стаў іграком сталічнага клуба^[8], дзе спачатку гуляў у стартавым складзе, пазней стаў часцей выхадзіць на замену.

У студзені 2021 года разарваў кантракт з «Энергетыкам-БДУ»^[9] і стаў трэніравацца з мазырскай «Славіяй», з якой у лютым падпісаў пагадненне^[10]. У сезоне 2021 чаргаваў выхады ў стартавым складзе і на замену, часам заставаўся на лаўцы запасных. У студзені 2022 года падоўжыў кантракт з мазырскім клубам^[11]. У сезоне 2022 замацаваўся ў стартавым складзе каманды. У снежні 2022 года падоўжыў пагадненне са «Славіяй» на наступны сезон^[12], аднак не быў уключаны ў заяўку на чэмпіянат 2023 года і не з’яўляўся на полі. У маі 2023 года па выніках паседжання Камітэта па статусах і пераходу футбалістаў АБФФ атрымаў статус свабоднага агента^[13].

У чэрвені 2023 года далучыўся да віцебскага «Макслайна»^[14]. У студзені 2024 года перайшоў у «Слуцк»^[15]. У чэрвені 2024 года пакінуў слуцкі клуб^[16], а ў ліпені вярнуўся ў «Макслайн»^[17].

Міжнародная кар’ера

У студзені 2016 года ў складзе юнацкай зборнай Беларусі выступаў на Кубку развіцця ў Мінску. У кастрычніку 2017 года ў складзе юніёрскай зборнай Беларусі (да 19 гадоў) прымаў удзел у адборачным раўндзе чэмпіянату Еўропы.

8 чэрвеня 2019 года правёў сваю адзіную сустрэчу за моладзевую зборную Беларусі, калі выйшаў на замену ў другім тайме адборачнага матча чэмпіянату Еўропы супраць Гібралтара (10:0), адзначыўся голам і чатырма галявымі перадачамі.

Статыстыка выступленняў

Сезон	Дывізіён	Клуб	Матчы	Галы
2015	дубль	БАТЭ	3	0
2016	дубль	БАТЭ	27	3
2017	дубль	БАТЭ	21	4
2018 (1)	дубль	БАТЭ	17	5
2018 (2)	Д2	Энергетык-БДУ	13	0
2019 (1)	Д2	Нафтан	12	4
2019 (2)	Д1	Энергетык-БДУ	4	0
2020	Д2	Крумкачы	24	5
2021	Д1	Славія	20	0
2022	Д1	Славія	24	2
2023 (2)	Д2	Макслайн	21	6
2024 (1)	Д1	Слуцк	10	0