Əziz Əzizli

Əziz Əzizli
Ümumi məlumatlar
Doğum tarixi	30 sentyabr 1933(1933-09-30)
Doğum yeri	Bakı, Azərbaycan SSR, ZSFSR, SSRİ
Vəfat tarixi	22 oktyabr 2005(2005-10-22) (72 yaşında)
Vəfat yeri	Bakı, Azərbaycan
Musiqiçi məlumatları
Fəaliyyəti	musiqiçi, bəstəkar, truba ifaçısı^[d]
Musiqi aləti	truba

Əziz Əkbər (Ələkbər) oğlu Əzizli (30 sentyabr 1933, Bakı – 22 oktyabr 2005, Bakı) — Azərbaycan bəstəkarı, truba ifaçısı, dirijor, pedaqoq.

Həyatı

Əziz Əzizli 1933-cü il sentyabrın 30-da Bakıda anadan olub.

1957-ci ildə Ü.Hacıbəyov adına Azərbaycan Dövlət Konservatoriyasının ifaçılıq fakültəsini (tromba - E.Əfəndiyevin sinfi), 1966-cı ildə isə bəstəkarlıq kafedrasını (professor Q.Qarayevin sinfi) bitirmişdir. Uzun illər A.Zeynallı adına Bakı Musiqi Texnikumunda çalışmış, Azərbaycan Televiziyasının estrada-simfonik orkestrinin bədii rəhbəri olmuşdur.^[1]

Ə.Əzizli 3 simfoniya (1986, 1988, 1989), Skripka və orkestr üçün Konsert (1985), Truba və simfonik orkestr üçün Konsert (1987), “Əfsanəvi şəhər” kantatası, “Bizim üfüqlər”, “Qadın ürəyi” simfonik poemaları, “Mart ayında musiqi”, “Görüşənədək”, “Belə də olar” və s. estrada orkestri üçün əsərlər, a capella xoru üçün 12 pyes (1991), 4 saylı simli Kvartet (1992), “Nəbi” operası (libretto - S.Rüstəm, F.Mehdiyev, 1993) və s. əsərlərin, B.Vahabzadə, N.Xəzri, F.Qoca, Y.Həsənbəy, R.Zəka, H.Ziya, C.Novruz və b. şairlərin sözlərinə yazılmış mahnıların müəllifidir.^[2]

İstinadlar

1. "Əzizli Əziz Əkbər oğlu (1933 - 2005)". 2020-07-30 tarixində arxivləşdirilib. İstifadə tarixi: 2018-06-25.
2. "Əzizli Əziz Əkbər oğlu". 2022-07-06 tarixində arxivləşdirilib. İstifadə tarixi: 2018-06-25.