↑Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 5 iyul 2022 tarixində redaktə olunub.
↑Rəsmi oyunlarda milli yığmanın heyətində keçirdiyi oyunların və vurduğu qolların sayı, 4 dekabr 2021 tarixində redaktə olunub.
İbrahimoviç futbola 1990-cı illərin sonunda "Malmö" klubunda başlayıb. 1999–2001-ci illərdə bu klubun heyətində çıxış edib. Daha sonra o, Niderlandın "Ayaks" klubu ilə müqavilə imzalayıb. 2001–2004-cü illərdə "Ayaks"ın futbolçusu olub. 2004-cü ildə 16 milyon avroya İtaliyanın "Yuventus" klubuna transfer olunub. "Yuventus"dakı karyerası 2006-cı ilə kimi davam edib. 2006-cı ildə "Yuventus"la bağlı İtaliyafutbolundakı qalmaqala görə klubu tərk edib və digər İtaliya klubu "İnter"lə müqavilə imzalayıb. 2009-cu ilə kimi "İnter"in heyətində çıxış edib. 2009-cu ildə "İnter"dən ayrılaraq İspaniyanın nəhəng klublarından olan "Barselona"ya keçib. 2010-cu ildə yenidən İtaliyaya qayıdıb və "Milan" klubun heyətində icarə əsasında çıxış edib. 2011-ci ildə rəsmən "Milan" klubuna transfer olunub. 2012-ci ildə "Milan"da iqtisadi problemlərə görə klubdan ayrılıb və Fransanın "Paris Sen-Jermen" klubu ilə müqavilə imzalayıb. Altı klubun heyətində UEFA Çempionlar Liqasında çıxış edib.
İbrahimoviç 2001-ci ildə İsveçin 21 yaşadək milli komandasının heyətində oyunlara çıxıb. 2001-ci ildən İsveçin əsas milli komandasına dəvət olunur. Millinin heyətində 2004, 2008 və 2012-ci illərdə UEFA Avropa Kubokunda, 2002 və 2006-cı illərdə isə FİFA Dünya Kuboku yarışlarında iştirak edib. İndiyə kimi 101 oyunda meydana çıxıb və 53 qol vurub. O, İsveç milli komandasında 100 oyun həddinə çatan on futbolçudan biridir.
İbrahimoviç həm klub karyerası ərzində, həm də milli komandanın heyətində müxtəlif qalmaqallarda iştirak edib. Zlatan İbrahimoviç həmçinin futboldan kənar fəaliyyətlərlə də məşğuldur. İsveçli model Helena Segerlə evlidir, iki övladı var.
İbrahimoviçin atası Şefik İbrahimoviç 1977-ci ildə İsveçə köçüb və burada Yurka Qraviç ilə evlənib.[5] Zlatan İbrahimoviç 3 oktyabr 1981-ci ildə İsveçin Malmö şəhərində anadan olub. Atası Şefik bosniyalı, anası Yurka isə xorvatdır. İbrahimoviçin iki yaşı olanda valideynləri boşanıb. İbrahimoviç Rosenqardın qaçqınların məskunlaşdığı ərazisində yaşayıb və çox çətin uşaqlıq keçirib. Futbola böyük istedadı var idi.[6] Altı yaşı olarkən Şefik İbrahimoviç ona buts alıb. Həmin vaxtdan etibarən İbrahimoviç futbolla məşğul olmağa başlayıb.[7]
İbrahimoviçin iki doğma və üç ögey bacı-qardaşı var. Onun uzun müddət əməkdaşlıq etdiyi isveçli model Helena Segerlə iki uşağı var: Maksimilian (doğum 22 sentyabr 2006) və Vinsent (doğum 6 mart 2008). O, hal-hazırda Parisdə yaşayır və hər il yay tətilində Malmödəki evini ziyarət edir. İbrahimoviç həmçinin taekvondo idmanı üzrə qara kəmər ustasıdır; o uşaq yaşlarında Malmö Taekvondo klubu "Enighet"də (azərb. Birlik) taekvondo dərsləri alıb.[8] İbrahimoviç beş dildə səlis danışa bilir: İsveç, ispan, italyan, bosniya və ingilis dillərində.[5][9] 2011-ci ilin fevralında Eurosporta müsahibəsində o, örnək götürdüyü insanlardan birinin Məhəmməd Əli olduğunu açıqladı:
"Məhəmməd Əli mənim nümunə götürdüyüm insanlardan biridir, o, idmanda və həmçinin idmandan kənar mənim idealımdır... O öz prinsiplərinə inanıb və heç vaxt onlardan imtina etməyib"[10]
İbrahimoviç katolik xristian olduğunu bəyan edib.[11][12][13]
Karyerası
Malmö
İbrahimoviç peşəkar futbolçu kimi debütünü 1999-cu ildə "Malmö" klubunda edib. İbrahimoviç "Malmö" ilə İsveçin ən yüksək liqasında, Allsvenskanda oynayıb. Malmö həmin mövsümün 13-cü yerdə başa vurur və yüksək liqada öz yerini qoruya bilmir. Amma növbəti mövsüm yenidən yüksək liqaya vəsiqə qazanır.[6]
"Arsenal"ın baş məşqçisi Arsen Venger İbrahimoviçlə maraqlanır və onu Arsenalın düşərgəsinə dəvət edir. İbrahimoviç Arsenalda bir müddət məşq etsə də, klubla müqavilə bağlamır. "Ayaks"ın baş məşqçisi Leo BeenhakkerNorveçin "Moss" klubu ilə yoldaşlıq görüşündə İbrahimoviçə maraq göstərir. Ayaksdan başqa Fransanın "Monako" və İtaliyanın "Roma" klubları da İbrahimoviçlə maraqlanır.[14] 22 mart 2001-ci ildə "Ayaks"la "Malmö" klubları arasında razılaşma əldə olunur və iyul ayında İbrahimoviçin "Ayaks"a keçidi təsdiqlənir. İbrahimoviçin "Ayaks"a keçidi 80 milyon İsveç kronuna başa gəlir.[15]
Ayaks
Zlatan İbrahimoviç UEFA-nın bayrağı altında keçirilən yarışlarda 8 avqust 2001-ci ildə Şotlandiyanın "Seltik" klubu ilə UEFA Çempionlar Liqasının üçüncü təsnifat mərhələsinin ilk oyununda debüt edib, İbrahimoviç oyunun 46-cı dəqiqəsində meydana daxil olub.[16] Bu, həm də onun "Ayaks"ın heyətində keçirdiyi ilk oyunu olub. "Ayaks"ın heyətində ilk çempionat oyununu 19 avqust 2001-ci ildə Niderland çempionatının birinci turunda "Roda" klubuna qarşı keçirib, oyunun 83-cü dəqiqəsində meydana daxil olub.[17] "Ayaks"ın heyətində ilk qolunu 26 avqust 2001-ci ildə ölkə çempionatının üçüncü turunda oyunun 64-cü dəqiqəsində "Feyenoord"un qapısına vurub.[18] 8 sentyabr 2001-ci ildə "Tvente" ilə çempionat oyununda 19-cu dəqiqədə hesabı açıb, 87-ci dəqiqədə isə Vambertonun vurduğu qolun ötürməsini edib, oyun 0–2 hesabı ilə Ayaksın xeyrinə başa çatıb.[19]UEFA yarışlarında karyerasında ilk qolunu 20 sentyabr 2001-ci ildə UEFA Kubokunun birinci dövrəsində Ayaksın heyətində oyunun 4-cü dəqiqəsində Cənubi Kiprin "Apollon Limassol" klubunun qapısına vurub.[20]
Baş məşqçi Ko Adriaanse İbrahimoviçə oynamaq üçün az şans verirdi. 29 noyabr 2001-ci ildə Adrianne "Ayaks"dan qovuldu və baş məşqçi postuna Ronald Koeman təyin edildi. Bundan sonra İbrahimoviçə oynamaq üçün daha çox şans verildi. Koemanın gəlişi ilə Zlatan əsas heyətin üzvünə çevrildi.[21]
4 dekabr 2001-ci ildə Niderland çempionatının 10-cu turunda "Fortuna Sittard" klubu ilə qarşılaşmada Zlatan 68 və 79-cu dəqiqələrdə qol vuraraq dubl edib.[22] 14 aprel 2002-ci ildə "Sparta" klubu ilə oyunda İbrahimoviç oyunun 66 və 73-cü dəqiqələrində komanda yoldaşı Midonun vurduğu qolların ötürməsini edib, 78-ci dəqiqədə isə özü fərqlənib.[23] Ayaks həmin mövsüm Eredevisieni qazandı.[21]
Növbəti il İbrahimoviçin karyerasında böyük sıçrayış baş verdi.[21] 29 avqust 2002-ci ildə Niderland çempionatının 6-cı turunda NAC Breda ilə qarşılaşmada oyunun 47-ci dəqiqəsində Midonun ötürməsini qola çevirib, 63-cü dəqiqədə isə Midoya məhsuldar ötürmə verib.[24] 17 sentyabr 2002-ci ildə UEFA Çempionlar Liqasının qrup mərhələsində Fransanın "Lyon" klubu ilə oyunda meydana çıxıb, oyunun 11 və 34-cü dəqiqələrində qol vuraraq komandasına qələbə qazandırıb.[25] İbrahimoviç Ayaksın heyətində Çempionlar Liqasının qrup mərhələləri və dörddə bir final oyunlarında meydana çıxıb.
2 fevral 2003-cü ildə "Uilhemm II" klubu ilə ölkə çempionatının oyununda 13-cü və 65-ci dəqiqələrdə qol vuraraq dubl edib.[26] 8 mart 2003-cü ildə "PEC Zvoile" klubu ilə oyunda 21 və 65-ci dəqiqələrdə qol vuraraq dubl edib.[27] 16 mart 2003-cü ildə "Ekselsior" klubu ilə oyunda da dubl edib, oyunun 25 və 82-ci dəqiqələrində fərqlənərək komandasına 2–0 hesablı qələbə qazandırıb.[28]
UEFA Çempionlar Liqasının 2003–2004 mövsümünün təsnifat mərhələ oyunlarında meydana çıxıb. Qrup mərhələsində 22 oktyabr 2003-cü ildə İspaniyanın "Selta da Viqo" klubu ilə qarşılaşmada 53-cü dəqiqədə qol vuraraq "Ayaks"a 1–0 hesablı qələbə qazandırıb.[29] 9 may 2004-cü ildə ölkə çempionatının 33-cü turunda "NAC Breda" ilə oyunda 10-cu dəqiqədə Sneyderin vurduğu qolun ötürməsini verib, 43-cü dəqiqədə isə özü fərqlənib. Oyun 2–0 hesabı ilə başa çatıb.[30]
2004–2005 mövsümünün başlanğıcında Zlatan İbrahimoviç "Ayaks"ın heyətində oyunlara çıxıb. 22 avqust 2004-cü ildə ölkə çempionatının ikinci turunda "NAC Breda" ilə oyunda 13 və 76-cı dəqiqələrdə qol vuraraq dubl edib, 86-cı dəqiqədə isə Maksvelin vurduğu qolun ötürməsini edib.[31] Onun 76-cı dəqiqədə vurduğu qol Eurosport tamaşaçıları tərəfindən "İlin qolu" seçilib.[21]
Yuventus
2004–2005 mövsümü
31 avqust 2004-cü ildə "transfer pəncərəsi"nin sonuncu günündə Zlatan 19 milyon avroya "Ayaks"dan "Yuventus"a keçib.[21] İbrahimoviç tezliklə əsas heyət üzvünə çevrildi, bu, onun karyerasında irəliyə atılmış böyük addım idi. Yuventusun əsas hücumçusu olan David Trezegenin zədələnməsi onu Fabio Kapellonun sevimli oyunçularından biri etdi. Kapello hələ "Roma"da çalışarkən də İbrahimoviçin komandasına gəlməsi üçün cəhd etmişdi.[21]
12 sentyabr 2004-cü ildə "Yuventus"un heyətində ilk oyununa çıxır. İtaliya A Seriyasının ilk turunda "Breskia" klubu ilə qarşılaşmada 46-cı dəqiqədə meydana daxil olur və 69-cu dəqiqədə qol vurur. Bu, onun "Yuventus" karyerasında ilk qolu olur.[32] 25 sentyabrda İtaliya A Seriyasının dördüncü turunda "Palermo" ilə qarşılaşmada 54-cü dəqiqədə hesabı 1–1 edərək Yuventusu məğlubiyyətdən xilas edib.[33] 5 dekabrda Latsio ilə oyunda 75-ci dəqiqədə qol vuraraq hesabı "Yuventus"un xeyrinə 2–1 edib, oyun bu hesabla başa çatıb.[34]
9 aprel 2005-ci ildə İtaliya A Seriyasının otuzuncu turunda "Fiorentina" klubu ilə qarşılaşmada 60 və 82-ci dəqiqələrdə qol vuraraq dubl edib, oyun 3–3 hesabı ilə başa çatıb.[35] 17 apreldə otuz birinci turda "Lecce" ilə qarşılaşma İbrahimoviç üçün əlamətdar olub, bu oyunda o, oyunun 34, 43 və 82-ci dəqiqələrdə qol vuraraq het-trik edib.[36]
2004–2005 mövsümündə UEFA Çempionlar Liqasında "Yuventus"un heyətində qrup mərhələsinin oyunlarında meydana çıxıb. Həmçinin 1/8 və 1/4 final oyunlarında da meydanda olub. Bu turnirdəki oyunlarda 3 məhsuldar ötürmə ilə yadda qalıb.[37] İbrahimoviç mövsümün sonunda "Yuventus" ilə İtaliya A Seriyası çempionluğunu əldə etdi.
2004–2005 mövsümünün sonunda Yuventus İspaniyanın güclü komandalarından olan "Real Madrid"in Zlatan İbrahimoviç üçün 70 milyonluq təklifini qəbul etmədi. İbrahimoviç həmin mövsüm "Yuventus" fanatları tərəfindən ilin oyunçusu seçildi.
2005–2006 mövsümü
Növbəti mövsüm Zlatan bir sıra çətinliklərlə üzləşdi. 2005–2006 mövsümünün payızında az qol vurmağa başladı və daha çox məhsuldar ötürmələrlə yadda qaldı.[21] Məhsuldarlığı azaltmasına baxmayaraq Zlatan yenə də komandası üçün vacib qollar vururdu. 19 noyabr 2005-ci ildə İtaliya A Seriyasının 12-ci turunda "Roma" ilə qarşılaşmada 58-ci dəqiqədə oyunda ikinci qolu vurub, 63-cü dəqiqədə isə David Trezegenin vurduğu qolun ötürməsini edib, oyun 1–4 hesabı ilə "Yuventus"un xeyrinə başa çatıb.[38] 8 fevral 2006-cı ildə "Parma" ilə ölkə çempionatının 24-cü tur oyununda 44-cü dəqiqədə qol vuraraq hesabı 1–1 edib, "Yuventus"u məğlubiyyətdən xilas edib.[39]
Yazda İbrahimoviçin formadan düşdüyünə görə həm İtaliyada, həm də İsveçdə azarkeşlər və jurnalistlər tərəfindən tənqidlər artmağa başladı. Heyətdə Alessandro del Pieroya üstünlük verildi. Buna baxmayaraq İbrahimoviç heyətdə yerini qoruyub saxlaya bildi. Yuventusun heyətində ardıcıl ikinci dəfə İtaliya çempionluğunu qazandı.[21]
2006-cı ilin yayında Lusiano Moqqinin təşəbbüsü ilə yüksək fırıldaqçılığa görə "Yuventus"un son iki ölkə çempionatının qalibi titulu əlindən alındı və komanda İtaliya B Seriyasına göndərildi. Yeni rəhbərlik Zlatanı və başqa ulduz futbolçuları heyətdə saxlamaq istədi. Amma Zlatan və onun şəxsi agenti qətiyyətlə klubdan getməyə qərar verdilər.[21]
İnter Milan
2006–2007 mövsümü
10 avqust 2006-cı ildə 24.8 milyon avroya "İnter Milan" klubu ilə müqavilə imzalandı.[21] İnterin heyətində ilk oyununu 26 avqust 2006-cı ildə "Roma" ilə İtaliya Superkuboku qarşılaşmasında keçirib. 74-cü dəqiqədə Vieyranın vurduğu qolun ötürməsini edib, oyun 4–3 hesabı ilə "İnter"in xeyrinə başa çatıb və İnter kubokun sahibi olub.[41]
İbrahimoviç İnter-Palermo oyununda 8 nömrəli formada (2009)
"İnter"in heyətində İtaliya A Seriyasında ilk oyununu 9 sentyabr 2006-cı ildə ilk turda "Fiorentina" klubuna qarşı oyunda keçirib. Bu oyunda Zlatan 11-ci dəqiqədə Kambiassoya məhsuldar ötürmə verib, 61-ci dəqiqədə isə Kambiassonun ötürməsini qola çevirib. Bu, İbrahimoviçin İnterin heyətində vurduğu ilk qol olub.[42] 17 dekabrda Messina klubu ilə 16-cı tur oyununda 49-cu dəqiqədə Marko Materazzinin vurduğu qolun ötürməsini edib, 59-cu dəqiqədə isə özü fərqlənib.[43]
İbrahimoviç İnterin heyətində UEFA Çempionlar Liqası 2006/2007-nin qrup mərhələsi oyunlarında və 1/8 final mərhələsinin oyunlarında meydana çıxıb.[44] 31 oktyabr 2006-cı ildə Rusiyanın "Spartak Moskva" klubu ilə qrup mərhələsinin oyununda 1-ci dəqiqədə Kruzun vurduğu qolun ötürməsini edib, oyun 0–1 hesabı ilə "İnter"in xeyrinə başa çatıb.[45]
28 yanvar 2007-ci ildə ölkə çempionatının 21-ci turunda "Sampdoriya" ilə qarşılaşmada 38-ci dəqiqədə hesabı açıb, 75-ci dəqiqədə isə Maykonun vurduğu qolun ötürməsini edib.[46] 3 mart 2007-ci ildə "Livorno" ilə 27-ci tur qarşılaşmasında 35-ci dəqiqədə Kruzun vurduğu qolun ötürməsini edib, 66-cı dəqiqədə isə özü fərqlənərək hesabı 1–2 edib və "İnter"ə qələbə qazandırıb.[47] 18 martda İtaliya A Seriyasının 29-cu turunda "Askoli" ilə oyunda 65 və 73-cü dəqiqələrdə Adrianonun ötürmələrini qola çevirərək dubl edib. Oyun 1–2 hesabı ilə İnterin xeyrinə başa çatıb.[48] İbrahimoviç İnterin heyətində İtaliya A Seriyasının 2006–2007 mövsümünün qalibi olub.
19 avqust 2007-ci ildə "İnter"in heyətində yenidən "Roma"ya qarşı İtaliya Superkuboku görüşündə meydana çıxıb. Bu oyunda İnter 0–1 hesabı ilə məğlub olub.[49]
2007–2008 mövsümü
Zlatan İbrahimoviç 2007-ci ildə "İnter"lə müqaviləsini 2013-cü ilə qədər uzadıb.[50] 1 sentyabr 2007-ci il İtaliya A Seriyasının 2007–2008 mövsümünün 2-ci turunda "Empoli" ilə qarşılaşmada 14 və 83-cü dəqiqələrdə qol vuraraq dubl edib. Oyunda başqa qol olmayıb, İnter 0–2 hesabı ilə qələbə qazanıb.[51] 23 sentyabrda "Livorno" ilə 4-cü tur oyununda 35 və 72-ci dəqiqələrdə iki dəfə İnter hesabda geridə olarkən qol vuraraq dubl edib. Oyun 2–2 hesabı ilə başa çatıb.[52] Üç gün sonra 26 sentyabrda "Sampdoriya" ilə 5-ci tur oyununda da dubl edib. Oyunun 23 və 49-cu dəqiqələrində komanda yoldaşı Fiqunun ötürmələrini qola çevirib. 58-ci dəqiqədə isə İbrahimoviçin ötürməsindən sonra Fiqu fərqlənib.[53]
İbrahimoviç "İnter"in heyətində Çempionlar Liqasının 2007–2008 mövsümünün oyunlarında da meydana çıxıb. 2 oktyabr 2007-ci ildə qrup mərhələsində Niderlandın "PSV Eyndhoven" klubu ilə qarşılaşmada 15 və 31-ci dəqiqələrdə qol vurub. Oyun 2–0 hesabı ilə "İnter"in xeyrinə başa çatıb.[54] Zlatan İbrahimoviç 7 noyabrda Rusiyanın "ÇSKA Moskva" klubu ilə qarşılaşmada da dubl edib, bu oyunda 33 və 73-cü dəqiqələrdə fərqlənib.[55]
13 yanvar 2008-ci ildə ölkə çempionatının 18-ci turunda "Siena" klubu ilə qarşılaşmada da dubl edib. Oyunun 26-cı dəqiqəsində İbrahimoviç hesabı açıb, 52-ci dəqiqədə isə hesabı 1–3 edən qolu vurub. 45-ci dəqiqədə komandasının ikinci qolunu vuran Kambiassoya məhsuldar ötürmə verib.[56] Bir həftə sonra yanvarın 20-də "Parma" ilə 19-cu tur oyununda oyunun sonlarında 88 və 93-cü dəqiqələrdə qol vuraraq dubl edib.[57] 3 fevralda 21-ci turda "Empoli" ilə qarşılaşmada İbrahimoviç 34-cü dəqiqədə 11 metrlik cərimə zərbəsindən oyunda yeganə qolu vurub və nəticəni müəyyənləşdirib.[58] İbrahimoviç fevral ayından başlayaraq dizindəki xroniki zədədən əziyyət çəkməyə başladı. Bir çox oyunlarda meydana çıxa bilmədi.[59] Çempionatın son turunda zədədən sonra ilk dəfə meydana çıxdı. 15 may 2008-ci ildə "Parma" ilə qarşılaşmada 62 və 79-cu dəqiqələrdə qol vuraraq dubl etdi və Zlatan ardıcıl ikinci dəfə İnterlə birlikdə İtaliya çempionatının qalibi oldu.[60]
24 avqust 2008-ci ildə İtaliya Superkuboku uğrunda görüşdə İnterin heyətində "Roma"ya qarşı meydana çıxıb. Əsas və əlavə vaxtı 2–2 hesabı ilə başa çatan oyunda "İnter" 11 metrlik cərimə zərbələrində 8–7 hesabı ilə qalib gələrək kuboku qazanıb.[61]
2008–2009 mövsümü
2008–2009 mövsümündə də İbrahimoviç "İnter"in heyətində çıxış edib. 4 oktyabr 2008-ci ildə "Boloqna" ilə oyunda vurduğu qol "İlin qolu" seçilib.[62] 19 oktyabrda İtaliya A Seriyasının 7-ci turunda "Roma" ilə qarşılaşmada 5 və 47-ci ildə iki qol vuraraq dubl edib.[63] 15 noyabrda "Palermo" ilə 12-ci tur oyununda da dubl edib, İbrahimoviç oyunun 46-cı dəqiqəsində hesabı açıb 62-ci dəqiqədə isə ikinci qolu vurub. Oyun 0–2 hesabı ilə "İnter"in xeyrinə başa çatıb.[64] 14 dekabrda 16-cı turda "Çievo Verona" ilə qarşılaşmada 47-ci dəqiqədə Deyan Stankoviçin vurduğu qolun ötürməsini edib, 79 və 88-ci dəqiqədə isə özü fərqlənib. Oyun 4–2 hesabı ilə İnterin xeyrinə başa çatıb.[65]
Zlatan İbrahimoviç 10 yanvar 2009-cu ildə İtaliya A Seriyasının 18-ci turunda "Kaqliari" ilə qarşılaşmada 76-cı dəqiqədə "İnter" hesabda 0–1 hesabı ilə geridə olarkən qol vuraraq hesabı 1–1 edib, oyun bu hesabla başa çatıb.[68] 13 yanvarda İtaliya Kubokunun 1/8 final oyununda meydana çıxıb. Zlatan İbrahimoviç "Cenoa" klubu ilə qarşılaşmada əlavə vaxtda 100-cü dəqiqədə Esteban Kambiassonun vurduğu qolun ötürməsini edib, 3 dəqiqə sonra 103-cü dəqiqədə isə özü fərqlənib. Oyun "İnter"in 3–1 hesablı qələbəsi ilə başa çatıb.[69] 21 yanvarda 1/4 final mərhələsində "Roma" ilə oyunda da İbrahimoviç meydana çıxıb, oyunun 72-ci dəqiqəsində "İnter"in 2-ci qolunu vuraraq hesabı 2–1 edib, oyun bu hesabla başa çatıb.[70] 7 martda çempionatın 27-ci turunda "Cenoa" ilə oyunda qarşılaşmanın 2-ci dəqiqəsində hesabı açıb, 61-ci dəqiqədə isə Mario Balotellinin vurduğu qolun ötürməsini edib, oyun 0–2 hesabı ilə "İnter"in xeyrinə başa çatıb.[71] 15 martda 28-ci turda "Fiorentina" ilə oyunda 11-ci dəqiqədə hesabı açıb, 94-cü dəqiqədə isə cərimə zərbəsindən ikinci qolu vurub, oyun 2–0 hesabı ilə "İnter"in xeyrinə başa çatıb.[72] Martın 22-də növbəti turda İbrahimoviç "Reggina Kalsio" ilə qarşılaşmada 10-cu dəqiqədə 11 metrlik cərimə zərbəsini dəqiq yerinə yetirərək hesabı açıb, 58-ci dəqiqədə isə ikinci qolunu vurub. Oyun 3–0 hesabı ilə "İnter"in xeyrinə başa çatıb.[73]
23 apreldə İtaliya Kubokunun yarımfinal mərhələsinin cavab oyununda "Sampdoriya" ilə qarşılaşmada 27-ci dəqiqədə qol vuraraq "İnter"ə qələbə qazandırıb, oyun 1–0 hesabı ilə qurtarıb. "İnter" ilk oyunda 3–0 hesabı ilə məğlub olduğu üçün bu mərhələdə mübarizəni dayandırıb.[74] 2 mayda ölkə çempionatının 34-cü turunda "Latsio" ilə oyunda 58-ci dəqiqədə oyunda ilk qolu vurub, 71-ci dəqiqədə isə komanda yoldaşı Sulley Muntariyə məhsuldar ötürmə verib, bu oyunda "İnter" 2–0 hesabı ilə qələbə qazanıb.[75] 31 mayda İtaliya A Seriyasının sonuncu, 38-ci turunda "Atalanta" ilə oyunda oyunun 12 və 81-ci dəqiqələrdə İbrahimoviç iki dəfə qol vurub.[76]
Barselona
İbrahimoviç "İnter"dən sonra İspaniyanın "Barselona" klubu ilə müqavilə imzalayıb. Transferin şərtlərinə görə, "İnter" klubu İbrahimoviçin transferinin müqabilində kamerunlu hücumçu Samuel Eto’o, 46 milyon avro və belaruslu yarımmüdafiəçi Aleksandr Qlebin bir illik icarəsinə sahib çıxıb.[77] İbrahimoviç "İnter"də oynadığı zaman yoldaşlıq görüşündə aldığı zədəyə görə, təxminən, bir ay futbol oynaya bilməyib.[78] İbrahimoviç "Barselona" ilə beş illik müqavilə bağladı.[79]
Zlatan komanda yoldaşı Xavi ilə "Barselona"nın heyətində
28 avqust 2009-cu ildə Ukraynanın "Şaxtyor Donets" klubu ilə oyunda "Barselona"nın heyətində debüt edib.[80] Üç gün sonra La Liqanın ilk turunda "Sportinq Qijon" klubu ilə oyunda 82-ci dəqiqədə "Barselona"nın heyətində ilk qolunu vurub.[81] 25 oktyabrda 8-ci turda "Real Zaraqoza" ilə oyunda 29 və 56-cı dəqiqələrdə fərqlənərək dubl edib.[82] Noyabrın 29-u "Real Madrid"lə El Klassikoda 56-cı dəqiqədə oyunda yeganə qolu vurub və "Barselona"ya qələbə qazandırıb.[83] İbrahimoviç 12 dekabrda "Espanyol" ilə qarşılaşmada da qol vurub, oyunun 38-ci dəqiqəsində penaltidən hesabı açıb, oyun bu hesabla başa çatıb.[84] İbrahimoviç La Liqanın ikinci dövrəsində 29-cu turda "Malyorka" ilə oyunda 63-cü dəqiqədə qol vuraraq komandasına qələbə qazandırıb.[85]
Zlatan İbrahimoviç, həmçinin "Barselona"nın heyətində UEFA Çempionlar Liqasının 2009–2010 mövsümünün oyunlarında meydana çıxıb. 20 oktyabr 2009-cu ildə Rusiyanın "Rubin Kazan" klubu ilə oyunda 48-ci dəqiqədə "Barselona"nın oyunda yeganə qolunu vurub. "Rubin" 1–2 hesabı ilə qələbə qazanıb.[86]Almaniyanın "Ştutqart" klubu ilə 1/8 final mərhələsinin ilk oyununda Zlatan İbrahimoviç 52-ci dəqiqədə qol vuraraq hesabı 1–1 edib və komandasını məğlubiyyətdən xilas edib.[87] 1/4 final mərhələsində İngiltərənin "Arsenal" klubu ilə ilk oyunda Zlatan 46 və 59-cu dəqiqələrdə qol vuraraq dubl edib, oyun 2–2 hesabı ilə başa çatıb.[88] Yarımfinal mərhələsində İbrahimoviç keçmiş klubu "İnter"ə qarşı hər iki oyunda meydana çıxıb.[89][90] "Barselona" bu mərhələdə mübarizəni dayandırıb.
İbrahimoviç 14 avqust 2010-cu ildə İspaniya Superkubokunun ilk oyununda "Sevilya" ilə qarşılaşmada meydana çıxıb və 20-ci dəqiqədə "Barselona"nın yeganə qolunu vurub, oyun 3–1 hesabı ilə başa çatıb.[91]
Zlatan İbrahimoviç 2010–2011 mövsümünü icarə əsasında "Milan"ın heyətində keçirib. 11 sentyabr 2010-cu ildə İtaliya A Seriyasının ikinci turunda "Cesena" ilə qarşılaşmada "Milan"ın heyətində debüt edib.[93] İtaliya çempionatının 5-ci turunda 25 sentyabrda "Cenoa" ilə qarşılaşmada 49-cu dəqiqədə fərqlənərək "Milan"a qələbə qazandırıb.[94] Oktyabrın 16-da "Çievo Verona" ilə oyunda 18 və 30-cu dəqiqədə Patonun vurduğu qolların ötürməsini edib, 70-ci dəqiqədə isə avtoqola imza atıb.[95] 20 noyabrda 13-cü turda "Fiorentina" ilə oyunda İbrahimoviç 45-ci dəqiqədə hesabı açıb, oyun 1–0 hesabı ilə "Milan"ın xeyrinə başa çatıb.[96]
Zlatan İbrahimoviç "Milan"ın heyətində
İbrahimoviç 13 mart 2011-ci ildə 29-cu turda "Bari" ilə oyunun 73-cü dəqiqəsində ikinci sarı vərəqə alaraq meydanı tərk edib.[97] Qırmızı vərəqəyə görə 30-cu turda "Palermo"[98] və növbəti turda sabiq komandası "İnter"ə qarşı oyunda meydana çıxa bilməyib.[99] 32-ci turda cəzası bitib və "Fiorentino" ilə oyunda yenidən meydana çıxıb. Lakin bu oyunun 79-cu dəqiqəsində sarı və 8 dəqiqə sonra qırmızı vərəqə aldığı üçün yenidən cəzalanıb.[100] Növbəti turda sarı vərəqə limiti dolduğu üçün meydana çıxa bilməyib.[101] 34 və 35-ci turlarda isə qırmızı vərəqəyə görə oyundan kənarda qalıb.[102][103]
Zlatan İbrahimoviç "Milan"ın heyətində 2010–2011 mövsümündə UEFA Çempionlar Liqasının qrup mərhələsi və 1/8 final oyunlarında meydana çıxıb.[104] 15 sentyabr 2010-cu ildə qrup mərhələsində Fransanın "Auxerre" klubu ilə oyunda "Milan"ın heyətində 66 və 69-cu dəqiqələrdə iki qol vuraraq dubl edib. Oyunda vurduğu ilk qol həm də onun "Milan" karyerasında ilk qol olub.[105]
İbrahimoviç 6 avqust 2011-ci ildə "İnter" klubu ilə İtaliya Superkuboku uğrunda oyunda meydana çıxıb. Keçmiş klubu ilə oyunda İbrahimoviç 61-ci dəqiqədə qol vuraraq hesabı bərabərləşdirib. Oyun 2–1 hesabı ilə "Milan"ın xeyrinə başa çatıb.[106]
2011–2012 mövsümü
İbrahimoviç 2011–2012 mövsümündə "Milan"a transfer olunub. 29 oktyabr 2011-ci ildə "Roma" ilə İtaliya A Seriyasının oyununda 17 və 78-ci dəqiqələrdə iki qol vuraraq dubl edib.[107] 27 noyabrda "Çievo Verona" ilə oyundada dubl edib, bu oyunda İbrahimoviç 16 və 43-cü dəqiqələrdə fərqlənib.[108] 2 dekabrda "Cenoa" ilə oyunda İbrahimoviç 56-cı dəqiqədə 11 metrlik cərimə zərbəsindən hesabı açıb, 79-cu dəqiqədə isə "Antonio Nokerino"nun vurduğu qolun ötürməsini edib.[109]
22 yanvar 2012-ci ildə "Novara" klubu ilə qarşılaşmada İbrahimoviç 57 və 90-cı dəqiqələrdə qol vurub.[110] 5 fevralda "Napoli" ilə oyunda 64-cü dəqiqədə birbaşa qırmızı vərəqə alaraq meydandan qovulub.[111] Qarşıdakı 3 oyunda meydana çıxa bilməyib. 3 martda "Palermo" ilə oyunda het-trik edib. Oyunun 21, 31 və 35-ci dəqiqələrdə qol vurub.[112] İbrahimoviç martın 24-də "Roma" ilə oyunda 53-cü dəqiqədə penaltidən fərqlənib, 83-cü dəqiqədə isə başla qol vuraraq dubl edib.[113] Zlatan İbrahimoviç 29 apreldə "Siena" ilə oyunda 29 və 93-cü dəqiqələrdə iki dəfə fərqlənib.[114] Mayın 6-da keçmiş klubu "İnter"lə oyunda İbrahimoviç üç dəqiqədə — 44 və 46-cı dəqiqələrdə iki qol vuraraq dubl edib.[115]
Zlatan İbrahimoviç 2011–2012 mövsümündə UEFA Çempionlar Liqasının qrup mərhələsində və növbəti mərhələlərdə meydana çıxıb. Qrup mərhələsi oyunlarında 4 oyunda meydana çıxıb və 4 qol vurub.[116] 1/8 final mərhələsinin ilk oyununda İngiltərənin "Arsenal" klubu ilə oyunda 15-ci dəqiqədə Boatenqin, 38 və 49-cu dəqiqələrdə Robinyonun vurduğu qolların ötürməsini edib, 79-cu dəqiqədə isə özü fərqlənib.[117]
Pari Sen-Jermen
2012–2013 mövsümü
2012-ci ilin yay transfer pəncərəsində "Milan" iqtisadi səbəblərə görə İbrahimoviçi transferə çıxarıb və İbrahimoviç "PSJ" ilə illik 14 milyon avroluq müqavilə imzalayır. "Milan"ın bu transferdən gəliri 20 milyon avro olur.[7]
Zlatan İbrahimoviç 2012-ci ildə Fransanın "Pari Sen-Jermen" klubuna transfer olunub. İbrahimoviç "PSJ"-nin heyətində ilk oyununu 11 avqust 2012-ci ildə Fransa çempionatının ilk turunda "Lorient" klubuna qarşı keçirib. Bu oyunun 64 və 90-cı dəqiqələrində fərqlənərək "PSJ"-də qol hesabını açıb.[118] Sentyabrın 2-də dördüncü tur oyununda da Zlatan dubl edib, Lill ilə oyunun 1-ci və 21-ci dəqiqələrində fərqlənib.[119] İbrahimoviç 22 sentyabrda "Bastika" ilə çempionat oyununda 40 və 90-cı dəqiqələrdə iki qol vurub, 6-cı dəqiqədə Yeremi Menezin vurduğu qolun ötürməsini edib. Oyunun 44-cü dəqiqəsində sarı vərəqə ilə cəzalanıb.[120] İbrahimoviç növbəti dublunu 7 oktyabrda ölkə çempionatının 8-ci turunda "Marsel" ilə qarşılaşmada edib. Bu oyunda 23 və 25-ci dəqiqələrdə fərqlənib.[121]
İbrahimoviç "PSJ"-nin heyətində
Zlatan İbrahimoviç 3 noyabrda "Sent Etiyen" klubu ilə oyunun 70-ci dəqiqəsində birbaşa qırmızı vərəqə alaraq meydandan qovulub.[122] Növbəti turlarda "Montpelyer" və "Rennes" ilə qarşılaşmalarda meydana çıxa bilməyib.[123][124] 24 noyabrda "PSJ"-nin "Troyes"ə 4–0 hesabı ilə qalib gəldiyi oyunda İbrahimoviç 70 və 88-ci dəqiqələrdə qol vurub, digər iki qolun isə ötürməsini edib.[125] Dekabrın 11-də "Valensiennes" klubu ilə oyunda İbrahimoviç 28, 49 və 54-cü dəqiqələrdə qol vuraraq het-trik edib.[126]
İbrahimoviç 20 yanvar 2013-cü ildə "Bordo" klubu ilə oyunun 43-cü dəqiqəsində qol vuraraq "PSJ"-ə 1–0 hesablı qələbə qazandırıb.[127] Martın 9-da "Nans" klubu ilə oyunda 59 və 62-ci dəqiqələrdə qol vuraraq İbrahimoviç komandasının hər iki qolunun müəllifi olub.[128] Mayın 18-də çempionatın 37-ci turunda da İbrahimoviç 2 dəfə fərqlənib. "Brest" klubu ilə oyunun 5-ci və 36-cı dəqiqələrində qol vurub.[129]
İbrahimoviç "PSJ"-nin heyətində UEFA Çempionlar Liqasında da çıxış edib. 6 noyabr 2012-ci ildə Xorvatiyanın "Dinamo Zaqreb" klubu ilə oyunda vurulan 4 qolun ötürməsini İbrahimoviç edib.[130] 1/8 final mərhələsində "Valensiya" ilə ilk oyunun 90-cı dəqiqəsində qırmızı vərəqə ilə cəzalanıb və cavab görüşünə çıxa bilməyib.[131][132] "Barselona" ilə 1/4 final mərhələsinin ilk oyununda İbrahimoviç 80-ci dəqiqədə qol vurub və 1 məhsuldar ötürmə edib.[133] Cavab görüşündə də İbrahimoviç məhsuldar ötürmə ilə yadda qalıb. "PSJ" bu mərhələdə mübarizəni dayandırıb.[134]
2013–2014 mövsümü
İbrahimoviç mövsümdə ilk qolunubu 31 avqust 2013-cü ildə "Quinamp" klubu ilə "PSJ"-nin 2–0 hesabı ilə qalib gəldiyi oyunda vurub.[135] Sentyabrın 24-də İbrahimoviçin "Pari Sen Jermen" klubun ilə müqaviləsinin 2016-cı ilə qədər uzadıldığı açıqlandı.[136] Bir həftə sonra 2 oktyabrda UEFA Çempionlar Liqasının qrup oyununda "Benfika" ilə oyunda iki qol vurub.[137]
19 oktyabrda İbrahimoviç "PSJ"-nin "Bastia" klubunu 4–0 hesabı ilə məğlub etdiyi oyunda iki dəfə fərqlənib.[138] Onun dabanı ilə vurduğu qol daha sonra Liqa 1-də mövsümün qolu seçildi.[139] Dörd gün sonra 5–0 hesabı ilə "PSJ"-nin qələbə qazandığı Anderlextlə səfər oyununda dörd dəfə fərqlənib, bu, UEFA Çempionlar Liqasının ən erkən 8 het-triki siyahısına düşüb və İbrahimoviç bir oyunda dörd və ya daha çox qol vuran 11-ci futbolçu olub.[140] Bu oyundakı üçüncü qolu saniyədə 93 mil sürətlə vurulub.[141] İbrahimoviç Fransa Kubokununun yarımfinal qarşılaşmasında "Nant" ilə oyunda iki dəfə fərqlənməyi bacarıb. 5-ci dəqiqədə hesabı açan İbrahimoviç 90-cı dəqiqədə "Nant"ın qapıçının uzaqlaşdırmaq istədiyi topu ələ keçirib və təxminən 30 metrlik məsafədən zərbə vuraraq dubl edib.[142][143]
16 mart 2014-cü ildə "Sent Etyen" klubu ilə oyunda komandasının hər iki qolunu vuraraq 2–0 hesabı ilə qələbə qazandırıb. Bu qollarla o, 39 qolla bir mövsümdə ən çox qol vurmaq rekordunu özündə saxlayan Karlos Byankini geridə qoyub.[144] Mayın 11-də İbrahimoviç ardıcıl ikinci dəfə Liqa 1-in ilin oyunçusu seçilib.[139]
İbrahimoviç 2013–2014 mövsümünü Liqa 1-də 26 qolla və "PSJ" ilə ardıcıl ikinci dəfə çempion olmaqla tamamlayıb.[145] Ümumilikdə, onu 8 UEFA Çempionlar Liqası oyununda olmaqla oynadığı bütün yarışlarda cəmi 40 qol vurub.[146]
2014–2015 mövsümü
İbrahimoviç mövsümdə ilk qollarını 2 avqust 2014-cü ildə Fransa Superkuboku uğrunda oyunda vurdu. "Quinqam" klubu ilə qarşılaşlamada o, 8 və 20-ci dəqiqələrdə iki dəfə fərqlənərək oyunun taleyini həll etdi.[147] Mövsümün ilk liqa oyununda İbrahimoviç iki dəfə qol vurdu, lakin 19-cu dəqiqədə 11 metrlik cərimə zərbəsini dəqiq yerinə yetirə bilmədi, "Steyd de Reymz" ilə qarşılaşma 2–2 hesabı ilə başa çatdı.[148]
Zlatan İbrahimoviç 13 yanvar 2015-ci ildə Fransa Kubokunun 1/4 final mərhələsində "Sent-Etyen"ə qarşı oyunda yeganə qolun müəllifi olmuşdur. Bu oyunda ev sahibi komanda topun qapı xəttini keçmədiyini iddia etmiş və azarkeşlər meydana yad cisimlər atmışdılar, bunun nəticəsində görüş təxminən 10 dəqiqə dayandırılmışdır.[149]
Zlatan İbrahimoviç 2001-ci ildə 21 yaşadək futbolçular arasında Avropa Çempionatının seçmə mərhələ oyunlarında iştirak edib. Qrup mərhələsində Makedoniya[151][152] və Moldova[153][154] ilə ev və səfər, Türkiyə[155] ilə səfər, Slovakiya[152] ilə ev oyunlarında meydanda olub. Pley off mərhələsində Belçika[156] ilə səfər oyununda da meydana çıxıb. İbrahimoviç bu milli komandada cəmi 7 oyun keçirib və 6 qol vurub.
İbrahimoviçin rəsmi oyunlarda debütü 7 oktyabr 2001-ci ildə FİFA Dünya Kuboku 2002-nin seçmə mərhələsində Azərbaycan millisinə qarşı oyunda olub. O, bu oyunda milli komandada ilk qolunu vurub. İbrahimoviç həmçinin İsveçin FİFA Dünya Kuboku 2002-də heyət üzvlərindən biri olub. İsveç milli komandası bu turnirin 1/16 final mərhələsində turnirdə ilk dəfə iştirak edən Seneqal yığmasına uduzaraq mübarizəni dayandırıb.[160] Zlatan bu turnirdə iki dəfə əvəzetmədən meydana daxil olub. Qrup mərhələsində Argentina ilə oyunda 88-ci dəqiqədə, 1/16 final mərhələsində Seneqalla oyunda isə 76-cı dəqiqədə meydana çıxıb.
İbrahimoviç İsveç millisinin heyətində 2006-cı il dünya çempionatında
İbrahimoviç İsveç milli komandasının heyətində Avro 2004-ün oyunlarında əsas heyətdə meydana çıxıb. O, Bolqarıstan komandası ilə oyunda 78-ci dəqiqədə 11 metrlik cərimə zərbəsindən qol vuraraq hesabı 4–0 edib.[161] Qrup mərhələsində İtaliya oyunun 85-ci dəqiqəsində dabanının arxası ilə qol vuaraq hesabı 1–1 edib və İsveçə 1 xal qazandırıb.[162] Bu qol turnirin qolu seçilib. 1/8 final mərhələsində Niderland yığması ilə görüşdə 11 metrlik cərimə zərbələrində İbrahimoviç səhvə yol verib və İsveç mübarizəni bu mərhələdə dayandırıb.[163]
FİFA Dünya Kuboku 2006-nın seçmə mərhələsi çərçivəsində Malta yığması ilə 4 sentyabr 2004-cü ildə keçirilən və İsveçin 7–0 hesablı qələbəsi ilə başa çatan oyunda İbrahimoviç dörd dəfə fərqlənib.[164] O, 2006-cı il dünya çempionatının final mərhələsində fərqlənə bilməyib və İsveç bu çempionatda da 1/16 final mərhələsində mübarizəni dayandırıb. Bu dəfə Almaniyaya uduzub.[165]
O, Avro 2008-in seçmə mərhələsində 6 sentyabr 2006-cı ildə Lixtenşteyn komandası ilə oyun üçün milliyə çağırılıb, amma oyundan iki gün qabaq nizam-intizam qaydalarını pozmuş, komanda yoldaşları Kristian Uilhelmsson və Olof Mellberq ilə oteli tərk edərək gecə klubuna getmişdir. Oyunçuların heç biri alkaqol istifadə etməsə də, baş məşqçi onları cəzalandıraraq heyətdən uzaqlaşdırmışdır və futbolçular oyunda iştirak edə bilmədilər.[166][167]
Melberq və Uilhelmsson baş məşqçinin qərarına etiraz etmədi, amma İbrahimoviç bu qərarın ədalətsiz olduğunu düşündü və İslandiya və İspaniya ilə növbəti seçmə mərhələ oyunlarında iştirak etmədi.[168] İbrahimoviç həmçinin 7 fevral 2007-ci ildə Misir komandası ilə yoldaşlıq görüşündə də meydana çıxmayıb. Bir ay sonra bu boykotu dayandırdı[169] və 28 martda Şimali İrlandiya ilə məğlub olduqları oyunda meydana çıxdı. O, 12 seçmə mərhələ oyunlarında bir dəfə də olsun fərqlənmədi. İbrahimoviç 2007-ci ildə Ölkəsinin İlin Ən Yaxşı oyunçusu mükafatını, İsveç Qızıl Topunu qazandı.[170]
İbrahimoviçin beynəlxalq oyunlardakı qolsuzluq seriyası 2008-ci il Avropa çempionatının final mərhələsində 10 iyun 2008-ci ildə Yunanıstan milli futbol komandasına qarşı oyunda qırıldı. Həmçinin İbrahimoviç dörd gün sonra İspaniya ilə oyunda da fərqləndi.[171][172]
O, bu turniri iki qolla tamamladı. İsveç qrup mərhələsində üçüncü yeri tutdu və növbəti mərhələyə vəsiqə qazana bilmədi.[173]
İbrahimoviç Avro 2012-nin seçmə mərhələsində İngiltərə ilə oyunda
Avropa çempionatı 2008-in seçmə mərhələsindən qabaq İbrahimoviç milli komandanın kapitanı oldu. O, San Marino milli komandası ilə oyunda təxminən 1 saat komandasının bir nəfər azlıqda olmasına baxmayaraq 21 min azarkeş qarşısında komandasının birinci və beşinci qollarına imza atdı. Oyun 6–0 hesabı ilə İsveç yığmasının xeyrinə başa çatdı.[176] İbrahimoviçin növbəti qolları Finlandiya ilə oyuna təsadüf etdi. O, İsveçin 5–0 hesabı ilə qalib gəldiyi oyunda komandasının ikinci, üçüncü və dördüncü qollarını vuraraq het trik elədi.[177]
Avro 2012-nin final mərhələsinin başlanğıcında İsveçləUkrayna arasında açılış oyununda İbrahimoviç fərqlənib.[178] İbrahimoviç Fransa ilə oyunun 54-cü dəqiqəsində akrobatik zərbə ilə topu qapıya göndərərək hesabı açıb, oyun 2–0 hesabı ilə İsveçin xeyrinə başa çatıb.[179] in the last group match.[180][181] Qələbəyə baxmayaraq İsveç qrupdan çıxa bilmədi.[182] Buna baxmayaraq Zlatan İbrahimoviç dörddə bir finalda oynamayıb Avropa çempionatının rəmzi yığmasında yer alan yeganə oyunçu olub.[183]
2012-ci ilin oktyabr ayında FİFA Dünya Kuboku 2014-ün seçmə mərhələ oyunlarında Almaniya ilə 4–4 hesabı ilə başa çatan qarşılaşmada 4–0 hesabı ilə İsveç uduzduğu vəziyyətdə komandasının ilk qolunu vurmuş və hesabı 4–1 etmişdir.[184] Dörd qolluq üstünlüyü əldən vermək Almaniya milli komandasının tarixində ilk dəfə baş verirdi.[185]
14 noyabr 2012-ci ildə Friends Arenadaİngiltərə milli komandası ilə görüşdə komandasının bütün qollarının müəllifi olub. Oyun 4–2 hesabı ilə İsveçin xeyrinə başa çatıb.[186][187] İbrahimoviçin təxminən 30 metr məsafədən akrobatik zərbə ilə vurduğu dördüncü qolu futbolçular və ekspertlər tərəfindən yüksək qiymətləndirilmişdir. BBC bu qolu "ağlasığmaz xəyal gücü və təcrübənin texnikasının birləşdirilməsi" kimi təsvir etmişdir.[188]
14 avqust 2013-cü ildə İbrahimoviç növbəti het trikini edib, Friend Arenada Norveç millisi ilə 4–2 hesabı ilə başa çatan yoldaşlıq görüşündə üç qola imza atıb.[189]
4 sentyabr 2014 tarixində İbrahimoviç Estoniya ilə yoldaşlıq qarşılaşmasında milli komandada 50-ci qolunu vurdu. Bu qolla İbra İsveç millisi tarixinin ən məhsuldar oyunçusuna çevrildi. Oyunun əvvəlində o fərqlənərək Sven Ryüdellə məxsus 49 qolluq rekordu yenilədi, ikinci qolu isə onu lider etdi.[191] 8 sentyabrda Avro 2016-nın seçmə mərhələsi çərçivəsində Avstriya ilə qarşılaşmada millidəki yüzüncü oyununu keçirdi.[192]
İbrahimoviç ESPN idman kanalı tərəfindən belə təsvir olunmuşdu: "hava toplarına hakim, güclü və çevikdir, o öz bədəni ilə yaxşı oynayır və son nöqtəni qoymaqla, oyunu oxumaqla, ötürmə vermə qabiliyyəti və topu nəzarətdə saxlaması ilə fərqlənir"[195]
Əsas oyunlardakı çıxışına görə tənqid olunmağına baxmayaraq o, Milan Derbisi, El Klassiko oyunlarında, həmçinin Çempionlar Liqası və Avropa çempionatının bəzi qarşılaşmalarında güclü rəqiblərlə oyunda fərqlənib.[196][197][198][199][200] İbrahimoviç altı müxtəlif klubla UEFA Çempionlar Liqasında oynayan yeganə futbolçudur.[201]
Qalmaqallar
İbrahimoviç komanda yoldaşları ilə bir neçə xoşagəlməz qalmaqallarda iştirak edib. 2011-ci ildə komanda yoldaşı Antonio Kassano jurnalistlərə müsahibə verərkən onun sifətinə zərbə endirmişdi.[202]
İbrahimoviç həmçinin məşqdə komanda yoldaşları Kristian Uilhelmsson və Rodney Strasserə də zərbə endirib, hər ikisi kameralarla görüntülənib.[203][204]
2004-cü ildə Niderland ilə beynəlxalq yoldaşlıq görüşündən sonra "Ayaks"dakı komanda yoldaşı Rafael van der Vaart İbrahimoviçi oyunun gedişində qəsdən onu zədələdiyi üçün açıq itdiham edib.
İbrahimoviç Van der Vaartın ayaqlarını zədələdiyi üçün təhdidedici açıqlama verib.[205] İbrahimoviç həmçinin "Ayaksdakı digər komanda yoldaşı Midoya soyunub-geyinmə otağında yumruq vurub.[205]
İbrahimoviçin "Barselona"nın məşqçisi Pep Qvardiola ilə deyişməsi də olub. Bu hadisə İbrahimoviçin məşq dəsti qutusunu otaq boyu atması və İbrahimoviçin Qvardiolanı təhqir etməsi ilə kuliminasiya nöqtəsinə çatıb. Qvardiola sonda İbrahimoviçlə danışmaqdan imtina etdi və onu icarə əsasında "Milan" klubuna göndərdi.[206] "Barselona"nın vitse-prezidenti Karls Vilarrubi açıqlama verdi ki, İbrahimoviçin "Milan"a azad agent kimi göndərilməyəcəyi halda Pep Qvardiolanı döyməklə hədələyib.[207]
2010-cu ildə İbrahimoviç "Milan"dakı komanda yoldaşı Oquçi Onyevu ilə yumruq döyüşünə təhrik olundu. Sonra İbrahimoviç ona ayaqla zərbələr endirdi, kəllə vurdu. Futbolçuları araladıqdan sonra mübarizə başa çatmışdı və İbrahimoviçin qabırğası sınmışdı. Onyevu ona dəfələrlə təhqiramiz ifadələr səsləndirdiyini iddia edərək İbrahimoviçi günahlandırmışdı.[205][208]
2011-ci ilin martında İbrahimoviç "Bari" komandasının müdafiəçisi Marko Rossini oyunun gedişində yumruqladığı üçün üç oyunluq cəzalandırılmışdı.[209] O, həmçinin 2012-ci ilin fevralında Napolinin oyunçusu Salvatore Aronikanı şillələdiyi üçün üç oyunluq cəzalandırılmışdı.[210]
2012-ci ilin oktyabr ayında İsveçinFarer adalarına 1–0 hesabı ilə qalib gəldiyi oyundan sonra Farer adaları milli komandasını kapitanı Frodi Benjamimsen İbrahimoviçi qayda pozuntularına yol verdiyi və təhqir etdiyi üçün təqsirləndirmişdi, həmçinin onu təkəbbürlü, uşaqsayağı, cahil və pis oyunçu kimi qələmə vermişdi.[211] 2012-ci ilin noyabrında İbrahimoviç "Sent Etyen" klubunun qapıçısı Stefan Ruffierin çənəsinə zərbə endirdiyi üçün iki oyunluq cəzalandırılmışdı.
[212][213] 2012-ci ilin dekabr ayında "Lyon" klubunun müdafiəçisi Deyan Lovren və klub prezidenti Yan Mikel Aulas Lovrenin başını qəsdən tapdaladağı üçün təqsirləndirmişdilər.[214]
2013-cü ilin fevral ayında UEFA İbrahimoviçi "Valensiya"nın cinah oyunçusu Andres Quardadonu tapdaladığı üçün iki oyunluq diskalifikasiya etmişdir.[215][216] 2013-cü ilin martında "PSJ"-nin cinah oyunçusu Lukas Moura İbrahimoviçin davamlı olaraq komanda yoldaşlırını təhqir etməsi ilə bağlı açıqlama verdi: "O həmişə topu istəyir və çoxlu təhqirlər edir"[217] 2013-cü ilin may ayında İbrahimoviç "PSJ"-nin qələbəsindən sonra idman direktoru Leonarde Arauyonun üstünə qışqırıb.[218] 2013-cü ilin dekabr ayında İbrahimoviç ölkəsinin qadın futbolçularının maşın əvəzinə velosipedlə mükafatladırılmalı olduğu açıqlamasını verdikdən sonra bu açıqlama vətənində müzakirələrə səbəb oldu.[219]
Zlatan adı 2003-cü ilin may ayında İsveç Patent və Qeydiyyat Bürosu tərəfindən "böyük ehtimalla Zlatan İbrahimoviç adı kimi tanındığı" üçün markalaşdırılıb. Bu o deməkdir ki, o, idman malları, geyim və ayaqqabı daxil olan müəyyən məhsullarda istifadə olunması üçün bu adın hüquqlarını əldə edib.[220] O, Nike ilə müqavilə imzalayıb və onun televiziya reklamlarında tez-tez çəkilir.[7] 2007-ci ilin payızında İbrahimoviç "Nike"nin yardımı ilə MalmödəRosenqars ərazisində özünü maliyyələşdirən futbol meydançası inşa etdirib.[221] 2008-ci ildə isə özünün Balkan klubuna Nike dəstləri hədiyyə edib.[222]
9 sentyabr 2012-ci ildə Malmödə Svedbank Stadionun ətrafında İdman Şöhrət Meydanınaa İbrahimoviçin adı həkk olunmuş daş da əlavə olunub.[223] 2012-ci ilin dekabrında fransız DJ Al Pak İbrahimoviçə "Mənim adım Zlatandır" adlı mahnı həsr edib..[224]
2013-cü ildə İbrahimoviç şəxsi həyatı haqda kitab yazıb. "Mən Zlatanam" adlı kitabda Barselonada keçirdiyi illərdən, Pep Qvardiola ilə münasibətlərindən bəhs olunub.[225] 1 noyabr 2013-cü ildə İsveç Poçt Xidməti İbrahimoviçə həsr olunmuş poçt markalarının hazırlanacağını elan etdi. Onun şəkli beş müxtəlif markanın və on xüsusi bukletin üzərində çap olundu.[226][227] 12 noyabr 2013-cü ildə İbrahimoviç Xbox One şirkətinin yeni nümyəndəsi olub.[228][229] Zlatan İbrahimoviç 2014-cü ilin əvvəlində "Volvo"nun reklamına çəkilib.[230] Bu reklama görə Zlatan İbrahimoviç 1.5 milyon avro gəlir əldə edib.[231]
2012-ci ilin fevralında "World Food Programme" (WFP) layihəsi çərçivəsində dünyadakı 805 milyondan çox insanın aclıqdan əziyyət çəkdiyini insanlara xatırlatmaq üçün bu insanlardan 50 nəfərin adını bədəninə döymə şəklində yazdırıb.[232]
Xeyriyyə fəaliyyəti
İngiltərə ilə İsveç arasında keçirilmiş yoldaşlıq görüşündə İbrahimoviç dörd dəfə qol vurmuşdu, bunun şərəfinə isə İbrahimoviçin butsları auksiona çıxarılıb. Əldə olunan gəlir xeyriyyə məqsədi ilə yarımçıq doğulan körpələr üçün hədiyyə yığan "Vinnikott" dərnəyinin hesabına köçürülüb.[7]
_-_Zlatan_Ibrahimovi%C4%87_(edited).jpg)
.JPG)
