Teymur Məmmədov (aktyor)

Bu məqalə aktyor haqqındadır. Eyni ad-soyadlı boksçu üçün baxın: Teymur Məmmədov (boksçu).

Teymur Məmmədov
Doğum tarixi	23 fevral 1960(1960-02-23) (65 yaş)
Doğum yeri	Yusifcanlı, Ağdam rayonu, Azərbaycan SSR, SSRİ
Fəaliyyəti	aktyor
Fəaliyyət illəri	1982-ci ildən
Mükafatları	2018

Teymur Bayram oğlu Məmmədov (23 fevral 1960, Yusifcanlı, Ağdam rayonu) — Azərbaycan aktyoru, Azərbaycan Respublikasının əməkdar artisti (2018).

Həyatı

Teymur Bayram oğlu Məmmədov 23 fevral 1960-cı ildə Ağdamın Yusifcanlı kəndində anadan olub.^[1][2] İncəsənət İnstitutunda dram-kino aktyorluğu fakültəsində təhsil alıb (1978–1982, Nəsir Sadıqzadənin kursu). 1982–1984-cü illərdə hərbi xidmətdə olub.

Fəaliyyəti

İncəsənət İnstitutunu bitirdikdən sonra təyinatla 1982-ci ildən Ağdam Teatrında işləməyə başlayıb. Hərbi xidmətdən sonra Şuşa Mədəni Maarif Texnikumunda ixtisas müəllimi işləyib. Teymur Məmmədov Şuşa Teatrının yaradıcılarından biridir. 1990-cı ildən Şuşa Dövlət Musiqili Dram Teatrında aktyor kimi fəaliyyət göstərir. Teymur Məmmədov həm də ANS televiziyasında yayımlanan "Qulp", "Mübarizə" verilişlərində fəaliyyət göstərib.

27 may 2018-ci ildə Azərbaycanın əməkdar artisti fəxri adına layiq görülmüşdür.^[3]

Mükafatları

• Azərbaycan Respublikasının əməkdar artisti — 2018

Filmoqrafiya

Teatr

1. Soltan bəy ("Arşın mal alan", Üzeyir Hacıbəyov)
2. Murtuzov ("Özümüz bilərik", Süleyman Ələsgərov və Şıxəli Qurbanov)
3. Hüsaməddin Alovlu ("Şuşa dağlarını duman bürüyüb", Elçin)
4. Usta Ərdaş ("Pənah evi", Ələmdar Quluzadə)
5. Şaban ağa ("Bayramın birinci günü", Nazim Hikmət)
6. Nazir ("Sehirli kreslo", Fridyeş Karinti)
7. Əsgər bəy ("Millət dostları", Əbdürrəhim bəy Haqverdiyev)
8. Əliqulu ("Tamahkar", Süleyman Sani Axundov)
9. Nəcəf bəy ("Dağılan tifaq", Əbdürrəhim bəy Haqverdiyev)
10. Zülfüqar bəy ("Kamança", Cəlil Məmmədquluzadə)
11. Aparıcı ("Güllələnmiş heykəllərin fəryadı", Hüseynbala Mirələmov)
12. Fərəc ("Sən həmişə mənimləsən", İlyas Əfəndiyev)
13. Kərim ("Durna", Səid Rüstəmov və Süleyman Rüstəm).

Televiziya

1. İnterpapa (film, 2006) (tammetrajlı bədii film)
2. 40-cı qapı (film, 2008) (tammetrajlı bədii film) (rol: milis rəisi)
3. Bacanaqlar (film, 2009) (serial)
4. 3 bacı (film, 2012-2014) (bədii serial) (rol: pəltək kişi)
5. Ögey ata (film, 2013) (tammetrajlı bədii film) (rol: Sərvət müəllim)
6. Qız atası (teleserial, 2014) (serial) (rol: Vidadi)
7. Axınla aşağı (film, 2014) (tammetrajlı bədii film) (rol: Arif)
8. My name is İntiqam (film, 2014) (tammetrajlı bədii film) (rol: Fəzail)
9. Hozu (film, 2017) (tammetrajlı bədii film)
10. Sən demə (film, 2020) (rol: Səməndər)
11. Quds filmi 2007 ci il
12. Kəndimizə qayıt (film, 2020) ( rol: Hətəm )

İstinadlar

1. "Bu gün Əməkdar artist Teymur Məmmədovun doğum günüdür". az.baku-art.com. 2025-01-25 tarixində arxivləşdirilib. İstifadə tarixi: 2025-01-23.
2. ""Qulp"un məşhur aktyoru Teymur müəllim: "Televizorda əclafları söyür, toylarda tərifləyirəm"". 2021-07-28 tarixində arxivləşdirilib. İstifadə tarixi: 2013-02-19.
3. President.Az. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 27.05.2018. 2020-03-05 tarixində arxivləşdirilib. İstifadə tarixi: 2018-05-27.