Kazbek Tuayev

Kazbek Tuayev
"Bakı 2019: Ulduzlar Finalı" qarşılaşmasında Prezident İlham Əliyevlə görüş zamanı çəkilmiş foto[1]
Ümumi məlumatlar
Tam adı	Kazbek Əlirza oğlu Tuayev
Doğum tarixi	13 noyabr 1940(1940-11-13) (84 yaş)
Doğum yeri	Ələt, Mikoyan rayonu, Bakı, Azərbaycan SSR, SSRİ
Vətəndaşlığı	SSRİ  Azərbaycan
Boyu	1.70 m
Çəkisi	67 kq
Mövqeyi	sağ cinah hücumçusu
Karyerası
Gənclik karyerası 1954—1959 Neftçi İSM Klub karyerası[* 1] 1959—1960 Spartak Nalçik ? (?) 1961—1970 Neftyanik Bakı 251 (56) 1970 Spartak Orconikidze 14 (3) 1971—1972 Neftyanik Bakı 26 (2) Milli yığma[* 2] 1967 SSRİ 2 (0) Məşqçisi olduğu klublar 1970 Spartak Orconikidze 1973—1977 Spartak Orconikidze 1978—1982 Xəzər Lənkəran 1983—1984 Neftçi Bakı 1987—1990 Klub Afriken 1992 Tərəqqi Bakı 1993 Azneftyağ Bakı 1993—1995 Turan Tovuz 1995—1997 Azərbaycan 1996—1997 Neftçi Bakı 2002 Azərbaycan 2004 Neftçi Bakı
Təltif və medalları
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Tuayev Kazbek Əlirza oğlu (13 noyabr 1940, Ələt) — sovet futbolçusu, sağ cinah hücumçusu, Azərbaycan futbol mütəxəssisi, SSRİ idman ustası (1963).

Kazbek Əlirza oğlu Tuayev Ələt qəsəbəsində anadan olmuşdur.

Xalq Təsərrüfatı və Bədən Tərbiyəsi institularını bitirmişdir.

"Neftçi" komandasının heyətində SSRİ çempionatının bürünc medalını qazanmış, adı 3 dəfə SSRİ-nin ən güclü 33 futbolçusunun siyahısına düşmüş, SSRİ milli komandasında çıxış etmiş, məşqçi karyerası ərzində klublarda və Azərbaycan milli komandasında müxtəlif uğurlu nəticələr qazanmış, "Şöhrət" ordeni ilə təltif olunmuşdur.

4 dəfə dünyanın ən böyük ölkəsinin formasını geyinib. 1964-cü ildə İspaniyada keçirilən Avropa çempionatına da yollanıb. Ancaq zədə ucbatından meydana çıxa bilməyib. Tuayev həm futbolçu, həm də məşqçi karyerasını demək olar ki, Azərbaycan futboluna həsr edib. Onun rəhbərliyi altında neçə-neçə oyunçu futbolun sirlərini öyrənib. Müstəqillik dövründə UEFA kubokunda Azərbaycanı ilk dəfə təmsil edən "Turan"ın baş məqşçisi Tuayev olub (1994-cü il). Azərbaycan klubları UEFA kubokunda ilk qələbəni də məhz onun rəhbərliyi altında qazanıb (Neftçi – Lokomotiv Sofiya 2:1). Elə milli komandamız da rəsmi oyunlarda ilk xallarını məhz Kazbek Tuayevin dövründə qazanıb:

Əfsanəvi qapıçı Lev Yaşin onun haqqında bu fikirləri səsləndirib: "Bir çox hücumçulara qarşı oynamışam. Ancaq ən çox ehtiyat etdiyim hücumçu Kazbek Tuayev olub. Onun meydanın hansı hissəsindən və nə vaxt topa zərbə endirəcəyini müəyyənləşdirmək çox çətin idi. Üstəlik, onun zərbəsindən sonra top da olduqca qəribə trayektoriya cızırdı".^[2]

2002-ci ildən prezident təqaüdçüsüdür.^[3]

İstinadlar

1. İlham Əliyev "Bakı 2019: Ulduzlar Finalı" qarşılaşmasına baxıb Arxivləşdirilib 2021-10-16 at the Wayback Machine. president.az, 03.03.2019  (az.)
2. Akif Əhmədov. "Tarixdə bu gün - 13 noyabr: 1940" (az.). anaveusaq.az. 2017-11-13. 2018-11-16 tarixində arxivləşdirilib. İstifadə tarixi: 2019-02-12.
3. "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində arxivləşdirilib. İstifadə tarixi: 05.10.2023.