Datomir (ing. Dathomir) — "Ulduz müharibələri" kainatında uydurma planet. Datomir qalaktikanın ucqar nöqtələrində yerləşir və orbitində olduğu ulduza görə qırmızı rənglidir. Planet mürəkkəb ekosistemə və təhlükəli yırtıcılara sahibdir, lakin rahat atmosferi də var.[1] Datomirin böyük bitki örtüyü olan qitələri, əyilmiş meşələri, baramaya oxşayan böyük meyvələri var.[2] Planetdə gecə bacıları və gecə qardaşları kimi fraksiyalar yaşayır. Gecə bacıları Datomirdə hökmranlıq edən və qaranlıq sehrin gücünə sahib olan cadugərlər qrupudur. Gecə qardaşları cadugərlərdən ayrı yaşasalar da, onların suverenliyinə boyun əyir. Güclü olmalarına baxmayaraq, gecə bacıları Qalaktik respublika ilə sith arasındakı münaqişədə iştirak etməmişdir.[3] Görkəmli gecə bacılarından biri Asajj Ventress,[4] gecə qardaşlarından isə Dart Mauldur.[5]
İstinadlar
Xarici keçidlər
