El V Distritu de París (Vᵉ arrondissement de Paris, en francés) ye unu de los 20 distritos de los que se compón la capital francesa. Ye'l barriu más antiguu de París yá que foi construyíu polos romanos. Ta asitiáu na vera esquierda del ríu Sena. Tamién ye conocíu so los nomes de arrondissement du Panthéon anque esta denominación gocia d'escasu usu.
Ye un distritu bien turísticu. Nél atópense: l'históricu Barriu llatín, numberosos centros universitarios y educativos (como la Sorbonne) y el Panteón de París.
El distritu ta estremáu en cuatro barrios:
El so alcalde actual ye Jean Tiberi (UMP). Foi escoyíu en 2008 por seis años. L'alcaldía d'esti distritu ye una de les más espectaculares de la ciudá.
El Distritu cuntaba nel últimu censu de 1999 con 58 849 habitantes sobre una superficie de 254 hectárees, lo que representa una densidá de 23 160 hab/km².
Hai dos llinies de metro y dos del tren RER que tienen estaciones nel V Distritu. Magar dalgunos inclúin a les estaciones Saint-Michel de la llinia 4 y Gare d'Austerlitz de la llinia 5, dambes atópense fora de les sos llendes, polo que nenguna d'eses llinies tien estaciones nel distritu.
Esti distritu tenía la sede administativa del Bureau d'Enquêtes sur les Événements de Mer (BEAmer, "Oficina d'investigación d'accidentes marítimos").[1]