La Universidá de Columbia Británica (n'inglés: University of British Columbia; nes sos sigles: UBC) ye una universidá pública canadiense que'l so campus principal atópase en West Point Grey, darréu al oeste de Vancouver, Columbia Británica. Cuenta amás con trés campus más pequeños dientro de la ciudá de Vancouver y unu na ciudá de Kelowna, que ye conocíu como Universidá de la Columbia Británica Okanagan (UBCO).
La UBC, asitiada a más o menos 30 minutos del centru de Vancouver, ganóse una escelente reputación internacional tocantes a investigación avanzada y como centru d'estudios. Mientres l'añu académicu de 2013-2014, UBC tenía una población de 10.181 estudiantes internacionales de 149 distintos países.[1] Xeneralmente, la UBC considérase dientro de los meyores 40 Universidaes del mundu y considérase una de los meyores de Canadá.
Nel 2008 la institución "Academic Ranking of World Universities" nomó a la UBC la segunda meyor Universidá en tou Canadá y el númberu 35 en tol mundu. Nel 2006, la revista Newsweek nomó a la UBC la segunda meyor Universidá en tou Canadá y el númberu 27 en tol mundu. Sicasí, según el QS World University Ranking, la UBC camudó a númberu 43 nel mundu a partir de 2015.[2]
El campus ufierta dalgunes de les atraiciones más populares de la ciudá como'l "Muséu d'Antropoloxía", el "Chan Centre for the Performing Arts" y el "UBC Botanical Garden and Centre for Plant Research". El xardín botánicu, el primer departamentu de UBC, tien una coleición de más de 8.000 tipos de plantes utilizaes pa la investigación, caltenimientu y educación.[3]
La UBC tien la segunda biblioteca más grande de too Canadá con más de 5.6 millones de llibros y revistes. Una llista de delles de les biblioteques que s'atopen na UBC son David Lam Management Research Library, Irving K. Barber Learning Centre, Koerner Library, Law Library, y Woodword Library. L'anu 2015 marca'l 100 aniversariu de la UBC Biblioteca y programación especial foi desenvuelta pa conmemorar la ocasión.[4]
La universidá tien munches residencies pa los estudiantes. Les residencies llámense Walter Gage Residence, Marine Drive Residence, Ponderosa Commons, Fairview Crescent, Fraser Hall, Thunderbird y los dos residencies pa los estudiantes de primer añu llámense Totem Park y Place Vanier.[5]
Hai dellos chigres nel campus, por casu The Pit, Gallery 2.0, Koerner's Pub y Mahoney and Sons.
El periódicu official estudiantil llámase The Ubyssey.
Radio
UBC tien una estación de radio CiTR 101.9FM. Empezó nel añu 1982. La estación ye disponible pola rede en 7 llingües, y tamién por podcasts.
UBC tien 26 deportes competitivos masculinos y femeninos. Por casu el baloncestu y futbol americanu. La mascota oficial ye Thunderbirds.
El Campus de Okanagan, ta asitiáu nel antiguu Campus Norte de Kelowna Okanagan University College, cerca del Aeropuertu Internacional de Kelowna nel llau nordeste de Kelowna, Columbia Británica.[6]