Puede algamar los 25 m d'altor. El tueru ye macizu y trabancosu, de corteza gris acoloratada y copa irregular. Estróbilos acolorataos de forma oval d'unos 10 cm de llargor. Acícules llargues arrexuntaes de 2 en 2, bien flexibles y llixeramente amarellentaes. Piñes pequeñes y pedunculaes. Ye bien resistente a la aridez, les cañes y la corteza son abuxaes. Les fueyes tienen de 0,7 a 1 mm d'anchor y de 3,5 a 7 cm de llargor y son d'un verde amarellentáu. Floria n'abril o en mayu y fai munches piñes, de 5 a 12 cm de llargor, con un claru pedúnculu y con escames con escudetos pocu prominentes. Ye un árbol bastante xerófilu y heliófilu. Ye l'árbol dominante en grandes estensiones del encinar, onde s'estendió colonizando los cultivos abandonaos, yá que se trata d'una especie comenenciosa. Tamién les quemes favorecen el so espardimientu, yá que per un sitiu el fueu fai españar les piñes y espande les granes y d'otra les altes temperatures favorecen l'apertura de les piñes: ye una especie pirófita. Polo xeneral ocupa la zona de solana.
Seición tresversal d'una acícula de Pinus halepensis.
A lo llargo de la historia de les repoblaciones na Península Ibérica, el (Pinus halepensis) foi bien utilizáu, lo que favoreció a la so espansión por tol territoriu.
Foi lleváu tamién pa utilizar la so madera a África y otros continentes, onde entró en competencia cola vexetación local. Tamién s'utiliza na producción de resina.
Hábitat
Distribúise per gran parte de la rexón Mediterránea occidental, magar, na Península Ibérica habita'l sector oriental principalmente. Crez, polo xeneral, hasta una cota de los 1.600 msnm.
Atopamos ante una especie indiferente edáfica, con preferencia por suelos caliares. Soporta perbién altes temperatures y seques enllargaes, anque suel sufrir con xelaes persistentes.
Les grandes repoblaciones forestales ayuden al caltenimientu del suelu frente la erosión. La madera úsase namái pa la producción de celulosa o pa faer caxes de madera, porque'l tueru nun acostuma a ser bien rectu y nun puede usase pa otres utilidaes.
El conteníu d'esti artículu incorpora material d'una entrada de la Enciclopedia Libre Universal, espublizada en castellán baxo la llicencia Creative Commons Compartir-Igual 3.0.
