Les islles Rat son un grupu de pequeñes islles d'Estaos Xuníos alcontraes na parte central del archipiélagu de les islles Aleutianes. Alministrativamente, pertenecen a l'Área censal de Aleutianes occidentales del estáu d'Alaska.
Les islles atópense allugaes ente les islles Buldir y el grupu de les islles Near, al oeste, y el pasu Amchitka y el grupu de les islles Andreanof al este.
Les islles más grandes del grupu son, d'oeste a este, Kiska, Pequeña Kiska, Islla Segula, Islles Rat o Kryssei, Khvostof, Davidof, Pequeña Sitkin, Islla Amchitka, y Semisopochnoi.
La superficie total de tierra de les islles Rat ye 934,594 km². Nenguna de les islles ta habitada.
El nome de Rat Islands ye la traducción inglesa del nome dáu a les islles pol Capitán Fyodor Petrovich Litke en 1827, cuando visitó les Aleutianes nel so viaxe alredor del mundu.
Les islles Rat tan predispuestes a sufrir terremotos, yá que s'atopen alcontraes na frontera ente les plaques tectóniques del Pacíficu y Norteamericana. En 1965 hubo un gran terremotu de magnitú 8,7 na escala Richter.