El Grupu Furneaux ye un grupu d'aprosimao 100 islles asitiaes nel estremu oriental del estrechu de Bass, ente Victoria y Tasmania, Australia, tienen una altitú media d'ente 147 m y 69 m.,
ya una superficie de 2010,3 km².
Les islles recibieron el so nome n'honor al navegante británicu Tobias Furneaux, que vio'l llau oriental d'estes islles dempués de salir de la badea Adventure en 1773 nel so camín a Nueva Zelanda pa axuntase col capitán James Cook.[1]
El navegante Matthew Flinders foi'l primer européu n'esquizar el grupu de les islles Furneaux, nel Francis en 1798, y más tarde esi añu nel Norfolk.[2]
El grupu contién cinco asentamientos: Hai tamién delles pequeñes propiedaes agrícoles nes islles remotes.
Dempués de que s'afayaron foques ellí en 1798, el grupu d'islles Furneaux convirtióse nel llugar de asentamientu de foques más intensamente esplotáu nel estrechu de Bass.[3] Un total de 29 islles del grupu Furneaux tuvieron dalguna relación cola caza de foques nel sieglu XIX.
La matriarca aborigen, Dolly Dalrymple, nació nes islles Furneaux. La so madre yera una de les dos muyeres aboríxenes que fueren secuestraes del norte de Tasmania pol cazador de foques George Briggs.[4][5]
King Island, nel estremu oeste del estrechu de Bass, nun forma parte del grupu.
Alministración
El grupu Furneaux forma'l Conseyu Flinders xuntu colos grupos d'islles al noroeste: el grupu Kent, el grupu Hogan, el grupu Curtis, y la parte Tasmaniana de les islles Wilsons.
Xeoloxía
Les islles contienen granitu del periodu devónicu, según piedra caliar y sable non consolidáu de los periodos Cenozoicu. Mientres la última edá de xelu, una ponte terrestre xunió Tasmania al continente australianu al traviés d'esti grupu d'islles.
↑Observations on the coasts of Van Diemen’s, Land on Bass’s Strait and its islands, and on part of the coasts of New South Wales; intended to accompany the charts of the late discoveries in those countries (n'inglés). Bibliografía
↑Sealing in Tasmania historical research project. Bibliografía.