Central nuclear de Vandellós

Central nuclear de Vandellós
Central nuclear
Llocalización
País	España
Autonomía	Cataluña
Provincia	provincia de Tarragona
Ámbitu funcional territorial	Camp de Tarragona
Contorna	Bajo Campo ^(es)
Conceyu	Vandellòs i l'Hospitalet de l'Infant
Coordenaes	40°57′05″N 0°52′00″E
Central nuclear de Vandellós Central nuclear de Vandellós (España)
Historia y usu
Apertura	1967
Dueñu	Endesa
Xestión	Endesa
Web oficial

La central nuclear de Vandellós ye una central nuclear española asitiada en Vandellós y n'Hospitalet de l'Infant (Tarragona). Primeramente constaba de dos grupos: Vandellós I y Vandellós II, de los cual el primeru foi clausuráu en 1989.

Vandellós I

Inaugurada nel 1972 yera una central de tipu GCR (grafitu-uraniu natural) y refrigerada por gas (la única d'esti tipu construyida n'España). Potencia 480 MW.1El 19 d'ochobre de 1989 declaróse una quema na zona de turbinas, calificáu a posteriori como incidente de nivel 3 na escala INES (incidente importante), esto ye, nun provocó emisión de radioactividá al esterior. L'eleváu costu de les midíes esixíes pol organismu regulador español (CSN) pa correxir les irregularidaes detectaes fixeron que la empresa explotadora decidiera'l so zarru definitivu. Na actualidá alcuéntrase parcialmente desmantelada, tando l'edificiu del reactor en periodu de latencia, procesu que dura 25 años. En 2028 va procedese al executar el nivel 3, que consiste nel esmantelamientu del caxón del reactor pa lliberar dafechu l'allugamientu. Mientres el periodu de latencia el caxón va permanecer zarráu nun revestimiento, realizáu n'aceru galvanizáu, que queda dixebráu 1,5 metros del caxón, arrinca na cota +16 y álzase 6 metros percima de la llosa del caxón, na cota +63, onde s'asitió una cubrición. El pesu d'esta estructura ye de 350 tonelaes y ta diseñada p'aguantar raches de vientos a más de 200 km/h y precipitaciones de 140 l/m²

Vandellós II

Entamada a construyir nel 1981 algamó'l so operatividad comercial en 1988. Ye una central del tipu PWR (reactor d'agua llixero presurizada). Potencia térmica 2.912 MWt, potencia llétrica 1.087 MWe. La propiedá ye compartida, siendo un 72% d'Endesa y un 28% d'Iberdrola.

Incidentes:

El 1 de xunu de 2005 los problemes d'escomiu detectaos (agostu de 2004) nel sistema de refrigeración de Vandellós II fueron clasificaos como incidente de nivel 2. Por ello n'agostu de 2006 la central foi sancionada con 1,6 millones d'euros. A raiz del incidente Endesa ya Iberdrola, propietaries de la instalación, empecipiaron les obres d'un sistema alternativu de refrigeración, con agua duce.El 24 d'agostu de 2008 prodúxose una quema (que duró menos de 2 hores) nel edificiu de turbinas por cuenta de un fallu nel interruptor de xeneración del turboalternador a les 8:49, que produció la posa automática del reactor y por tanto la so desconexón de la rede.L'incidente nun tuvo nenguna consecuencia radiológica y los sistemes de seguridá actuaron correutamente según diseñu, polo que'l socesu se categoriza como Nivel 0 na escala INES. Por cuenta de que la quema duró más de 10 minutos activóse la prealerta d'emerxencia del Plan d'Emerxencia Interior (PEI) activándose polo tanto'l Plan d'Emerxencia Nuclear de Tarragona (PENTA) en situación 0.

Xestión

La central nuclear de Vandellós -al igual que la d'Ascó- ta xestionada pola Asociación Nuclear Ascó-Vandellós, que ta participada por Endesa ya Iberdrola.

Referencies

Enllaces esternos

• Asociación Nuclear Ascó - Vandellós II, A.I.E. Archiváu 2010-06-25 en Wayback Machine
• Información del Conseyu de seguridá nuclear sobro Vandellós I Archiváu 2007-09-28 en Wayback Machine
• Información del Conseyu de seguridá nuclear sobro Vandellós II Archiváu 2008-08-04 en Wayback Machine
• Piden que se suspenda el permisu de la nucleares de Vandellós (Ecoloxistes n'Aición]])

• Datos: Q507704
• Multimedia: Vandellòs Nuclear Power Plant