نبيله قنديل أو سعاد وجدى (توفت 14 يناير 1988) هى شاعره مصريه و مونولوجيست، اشتهرت بكتابة الأغانى الفولكلوريه و الوطنيه ، وشكلت ثنائى فنى عظيم مع جوزها الملحن الراحل على اسماعيل.
مسيرتها الفنيه
ابتدت الشاعره نبيله قنديل مسيرتها الفنيه مونولوجيست فى الاربعينات من القرن العشرين باسم سعاد وجدى ، و قدمت عدد من الأعمال الناجحه زى «ذهب مع الريح» و«خير البر» و«ماله يا ناس» و«قلبى طب» و«كنا و كانو» و«من أين لك ده» و«بُريه من الناس» و«اسأل نفسك»، و تعاونت مع الملحن على إسماعيل، و الشاعر إبراهيم كامل رفعت، و ابو السعود الابيارى و إبراهيم عاكف. و كانت اتجوزت من الفنان اسماعيل ياسين لفتره قصيره لاكن انفصلت عنه، و بطلت تغنى مونولوجات، و رجعت لاسمها الاصلى نبيله قنديل و بقت تكتب أشعار غنائيه.
كتبت نبيله قنديل عدد كبير من الأغانى الوطنيه الباقيه فى ذاكرة الجماهير زى "رايحين شايلين فى ايدنا سلاح" ، و"ام البطل"، علاوة علا كتابة اغانى فولكلوريه اللى غنوها فرقة الثلاثى المرح كخلفية لرقصات شعبيه بتاعة فرقة رضا زى: "حلاوة شمسنا" و"يللا عندنا رحله". كمان كتبت الشاعره الراحله كتير من الاغانى لفنانين و فنانات كبار زى شاديه "رايحه فين يا عروسه"، و محمد فوزى "يا طالع الشجره"، و فايزه احمد "ابو عيالى"، و محمد العزبى "حتشبسوت"، و بالطبع الأغنيه الأشهر فى فيلم "الأرض" ليوسف شاهين «الارض لو عطشانه". كما أنها صاحبة الأغنيه الشعبيه المشهوره "الطشت قال لى".
كمان قدمت نبيله قنديل أشهر أغانى شهر رمضان بالتعاون مع جوزها على إسماعيل، زى «اهو جه يا ولاد» من ألحان جوزها الملحن على إسماعيل، و أغنية «هاتوا الفوانيس يا ولاد» من تلحين و غنا الفنان الكبير محمد فوزى، و أغنية «افرحوا يا بنات» من ألحان على إسماعيل و غناء الثلاثى المرح.
حياتها الشخصيه
اتجوزت نبيله قنديل من الملحن على إسماعيل و خلفت منه شجون على إسماعيل و مصطفى على اسماعيل و حسين على اسماعيل.
وفاتها
توفت الشاعره نبيله قنديل فى 14 يناير سنة 1988.
اغانى الفتها
مصادر
