الجنسيه هى العلاقه القانونيه بين الفرد و الدوله, و عليه بترتب شويه التزمات على الدوله تجاه الفرد اللى بيحمل جنسيه الدوله بتكون فى صوره حقوق سياسيه و مدنيه و غيرها و كمان بيترتب عليه التزامات و واجبات قانونيه زى دفع الضرائب و التجنيد العسكرى و غيرها.[1][2][3] و بيختلف مفهوم الجنسيه عن مفهوم المواطنه, فهى مفهوم اضيق من الجنسيه و هى بتعنى علاقه الفرد القانونيه بالدوله, فمثلا فى المكسيك الواحد ممكن ياخد الجنسيه بالميلاد بس المواطنه بياخدها لما يبقى عندو 18 سنه يعنى الاطفال معاهم جنسيه لكن من غير مواطنه, و فى الدول اللى بتملكها الولايات المتحده المولدين بياخدو الجواز الامريكى و ليهم حق السفر و الشغل فيها لكن ملهمش حق التصويت و الترشيح لانتخابات تشريعيه او رئاسيه, و فى بريطانيا الوضع معقد اكتر فعنهدم ست انواع للجنسيه منها مواطنين فى اراضى بريطانيه فى الخارج و دول معاهم جواز سفر بريطانى بس مالهم الحق يعيشو فى بريطانيا او يشتغلو فيها.