المتحف القومى للحضاره المصريه

المتحف القومى للحضاره المصريه
،  و   المتحف القومي للحضارة المصرية
التأسيس	2002
البلد	مصر
التقسيم الادارى	القاهره
تاريخ الافتتاح الرسمى	3 ابريل 2021
الموقع الرسمى	الموقع الرسمى (عربى )
إحداثيات: 30°00′27″N 31°14′54″E
[[تصنيف: غلط فى قوالب ويكى بيانات|]]
تعديل

المتحف القومى للحضاره المصريه (NMEC) هوا متحف كبير بمساحة (23,235 متر مربع ) فى مدينة الفسطاط القديمه فى القاهره, مصر. افتتح المتحف فى ابريل 2021 و هوا مخصص لعرض مجموعه من 50000 قطعه اثريه بتعرض الحضاره المصريه من عصور قبل التاريخ لحد يومنا.^[1][2][3]

المجموعه الدائمه مقسومه لمنطقتين منفصلتين, مترتبه زمنيا و التانيه موضوعيه, المناطق الزمنيه هيا: العصور القديمه و الفرعونيه و اليونانيه الرومانيه و القبطيه و العصور الوسطى و الاسلاميه و الحديثه و المعاصره, المجالات الموضوعيه: فجر الحضاره و النيل و الكتابه و الدوله والمجتمع و الثقافه الماديه و المعتقدات والتفكير و معرض المومياوات الملكيه.^[4]

التاريخ

فكرة انشاء المتحف القومى للحضاره المصريه برجع لسنة 1982 لما اليونسكو اعلنت عن حمله دوليه لانشاء المتحف القومى للحضاره و متحف النوبه باسوانو سنة 1999 و تم اختيار الموقع الحالى للمتحف بالفسطاط, تم عمل الحفائر الاثريه بموقع المتحف فى الفتره من 2000 لحد 2005 و وضع حجر الاساس لمبنى المتحف سنة 2002 بعد اعمال الحفائر اللى اتنفذت سنة 2000.^[5][6][7]

الموقع و المساحه

المتحف القومى موجود بمنطقه الفسطاط فى مصر القديمه جنب حصن بابليون و بيطل على بحيرة عين الصيره, مساحه المتحف حوالى 33,5 فدان منها 130 الف متر مربع من المبانى.

التمويل و التصميم

الاستشارى المعمارى للمتحف هوا الدكتور/ الغزالى كسيبه استاذ العماره بكليه الفنون الجميله بالقاهرهو صمم قاعات العرض الداخلى المهندس المعمارى اليابانى اراتا ايسوزاكى.

القاعه الرئيسيه

بتحتوى قاعه العرض الرئيسيه للمتحف على عدد من القطع الاثريه اللى بتدى فكره متكامله عن الحضاره المصريه من العصر الفرعونى و اليونانى و الرومانى و القبطى و الاسلامى والحديث.

قاعه المومياوت

تهيئ القاعه للزوار اجواء منطقه وادى الملوك و بتضم القاعه 20 موميا ملكيه منهم 18 ملكو ملكتين من الاسرات السبعتاشر لحد الاسره العشرين, اهم المومياوت موميا الملك سقنن رع و الملك تحتمس التالت و الملكه حتشبسوت و الملك رمسيس التانى و الملك رمسيس التالت.

المصبغه الاثريه

المتحف بيتميز بوجود مصبغه فى حرم المتحف, اكتشفت لاول مره سنة 1932 و اعيد اكتشافها امدح عمليه الحفائر السابقه لبناء المتحف سنة 2003-2004 و هيا المصبغه متكونه من تلات صفوف مزدوجه العيون فى كل واحده منها 13 عين, و فى الجنب الشمالى 13 عين منفرده و مدعومه بحيط مبنى من الطوب.

صور

• 
• 
• 
• 
• 
• 
• 
• 
• 
• 
• 
• 
• 

شوف كمان

• موكب المومياوات الملكيه فى مصر

لينكات برانيه

• المتحف القومى للحضاره المصريه – صور وتسجيلات صوتيه و مرئيه على ويكيميديا كومونز
• المتحف القومى للحضاره المصريه معرف فيسبوك

مصادر

1. "NMEC - National Museum of Egyptian Civilization". NMEC (in الإنجليزية الأمريكية). Retrieved 2021-04-04.
2. "المتحف القومى للحضارة المصرية | منظمة الامم المتحده للتربية والعلم والثقافة". www.unesco.org. Retrieved 2021-04-04.
3. "المتحف القومى للحضارة المصرية يستقبل "موكب المومياوات الملكية" على وقع حفل استعراضى ضخم". فرانس 24 / France 24 (in العربية). 2021-04-03. Retrieved 2021-04-04.
4. "أين يقع المتحف القومى للحضارة المصرية وماذا قالت عنه منظمة اليونسكو ؟ | المصرى اليوم". www.almasryalyoum.com (in العربية). Retrieved 2021-04-04.
5. "The National Museum of Egyptian Civilization | United Nations Educational, Scientific and Cultural Organization". www.unesco.org. Retrieved 2021-04-04.
6. "National Museum of Egyptian Civilization opens temporary exhibit, free admission - Museums - Heritage". Ahram Online (in الإنجليزية). Retrieved 2021-04-04.^{[permanent dead link‍]}
7. "Egypt mummies pass through Cairo in ancient rulers' parade". BBC News (in الإنجليزية البريطانية). 2021-04-03. Retrieved 2021-04-04.

المتحف القومى للحضاره المصريه فى المشاريع الشقيقه

---

• صور و ملفات صوتيه من كومنز