موريطانيا ولاً موريتانيا ولاً موريتان (رسميا: الجمهورية الإسلامية الموريتانية) هي واحد لبلاد فالشمال لغربي د إفريقيا، نيشان تحت من لمغريب، وجات لأغلبية ديالها فالصًحرا. موريطانيا تيحدًوها من الشمال لمغريب ودزاير، من لغرب لمحيط لأطلسي، من الجنوب السينيݣال، و من الجنوب و الشرق مالي.
موريطانيا كانت مستعمرة فرانساوية من 1902 تال 1960, وموراها خدات الإستقلال ديالها. اللغات الرسمية فموريطانيا هوما لعربية ولفرانساوية، وكاين بزاف د الناس اللي تيهضرو لغات إفريقية، ومنها لأمازيغية. الرئيس د موريطانيا ديال دابا هو محمد ولد لغزواني، ولعاصمة ديال لبلاد هي نواكشوط.
لعلاقة مابين لمغريب وموريطانيا
قبل من لاستعمار لفرانساوي، كانت لأراضي د موريطانيا تابعة للمغريب. ملي استاقلات موريطانيا ف 28 نونبر 1960، مابغاش لمغريب يعتارف بيها، وكان باقي تيعتابرها إقليم د لمغريب. بقات الأمور 9 سنين بحال هاكا حتا بدل لملك لحسن التاني الرأي ديالو واعتارف لمغريب بموريطانيا ف 1969.[1]
عيون لكلام
