لجمهورية د مالي (ب لفرانساوية République du Mali) هي دولة ف لغرب د إفريقيا ماكاطًلش على لبحر. تاتحدًها من الشمال لجزائر، من لغرب موريتانيا و السينيݣال، من الشرق النيجر، ومن لجنوب غينيا و بوركينا فاصو و كوط ديڤوار.[1]
لبلاصة اللي فيها مالي دابا كانت تابعة لتلاتة د لإمبراطوريات إفريقية، اللي هي لمملكة د غانا و لمملكة د مالي و لمملكة د صونݣاي. دخلات فرانسا للمنطقة فاللخر د لقرن 19، ودخلاتها مع لمستعمرات ديالها ف إفريقيا جنوب الصحرا، اللي كانت مسمًياهم السودان لفرانساوي. ف 1959 ستاقلات مالي من فرانسا و تجمعات هي و السينيݣال فبلاد وحدا اللي كانت سميتها ليتيحاد د مالي، وكانت لعاصمة ديالو داكار. ف 1960، نساحبات السينيݣال من هاد ليتيحاد، و ولاًت مالي هي لجمهورية د مالي اللي كانعرفو دابا.
تيسكنو فمالي 19.3 مليون د الناس، و لعاصمة ديالها هي باماكو. اللغة الرسمية د مالي هي لفرانساوية، وعاد كاين لغات اللي كيهضروهوم بزاف د الناس فلبلاد بحال لبامبارا و لفولا. لعملة اللي كاتخدًم فلبلاد هي لفرنك لغرب إفريقي. مالي فيها 8 د لمناطق كبار، اللي تاتوصل فالشمال للصحرا، و ف لجنوب ل لواد د النيجر و لواد د السينيݣال. ليقتيصاد د لبلاد تيرتاكز على لفلاحة و الصيادة د لحوت، وعاد كاين موارد طبيعية بحال الدهب و ليورانيوم و لملحة.
عيون لكلام
