إفريقيا

إفريقيا مشيوفة من السما

إفريقيا كاتعتابر ثاني أكبر قارة من ناحيت الكثافة ديال السكان. لمساحة ديالها تقريبا شي 30.3 مليون كلم² (11.7 مليون ميل مربع) بما فيها الجزر للي تابعين ليها, كاتغطي شي 6% من المساحة ديال لارض و 20% من المساحة القارية ديالها.^[1] فيها شي 1.2 مليار ديال الناس عام 2016, كايمتلو 16% من الساكنة ديال العالم. القارة داير بيها لبحر لبيض لمتوسط من جيهة الشمال, وقناة السويس والبحر الأحمر من الشمال, المحيط الهندي من الجنوب الشرقي ولمحيط لأطلسي من الغرب. القارة فيها ماداݣاسكار وشحال من أرخبيلات اخرين. كاتضم 54 دولة معترف بها (دول)، وتسعود ديال الأقاليم وجوج دول مستقلين بحكم الأمر الواقع عندها اعتراف محدود ولا معندهاش اعتراف.^[2] أغلبية القارة والدول ديالها كاينين الجزء الشمالي.

أغلبية السكان ديال أفريقيا صغار فالعمر;^[3][4] متوسط العمر ف 2012 هو 19.7, ملي متوسط العمر فالعالم كان هو 30.4.^[5] الجزائر هي أكبر دولة فافريقيا من ناحيت المساحة, ونيجيريا هي الكبيرة من ناحيت عدد السكان. كاتعتابر أفريقيا وخصوصا أفريقيا الشرقية, الأصل ديال الإنسان و(القردة العليا), وللي كايدل عليه الإكتشاف ديال الهومينيد والأسلاف ديالهم وحتى هادوك للي تايرجع التاريخ ديالهم لشي 7 د لمليون عام, بما فيهم إنسان الساحل التشادي، وأوسترالوبيتيكوس الافريقي، وأوستراليبيتيكوس أفرنسيس، وهومو إريكتوس، وهومو هابيليس وهومو إركاستر والهومو سابيينس الأولين (الإنسان ديال دابا)، للي تلقا فإتيوبيا, تايرجع تقريبا ل 200,000 عام.^[6] جات أفريقيا فوق خط الإستواء وكاتضم بزاف ديال المناطق المناخية; وهي القارة الوحيدة للي كاتمتد من المناطق المعتدلة الشمالية حتى للمناطق المعتدلة الجنوبية.^[7]

إفريقيا فيها مجموعة كبيرة ومتنوعة من الأعراق والثقافات واللغات. ف الأواخر ديال القرن التاسع عشر، استعمرت الدول الأوروبية إفريقيا كلها تقريبًا؛ أغلبية الدول للي كاينين دبا فأفريقيا جاو من بعد ما سالا الاستعمار في القرن العشرين. تتعاون الدول الإفريقية بيناتها بليتيحاد ليفريقي، اللي كاين المقر الرئيسي ديالو فأديس أبابا.

لكتوبا ديال التاريخ

كاين واحد لكتاب سميتو وصف أفريقيا ديال لحسن الوزاني المعروف ب ليون الإفريقي. هاد لكتاب تكتا ف 1550 و فيه بزاف ديال المعلومات و الوصف ديال بزاف د لبلايص ف إفريقيا.

عيون لكلام

1. Sayre, April Pulley (1999)، أفريقيا، Twenty-First Century Books. ردمك 0-7613-1367-2.
2. شوف ليست ديال الدول السيادية والمناطق المستقلة فأفريقيا.
3. Swanson، Ana (17 غشت 2015). "5 ways the world will look dramatically different in 2100". Washington Post. مأرشيڤي من لأصل ف 2022-03-16. تطّالع عليه ب تاريخ 2019-10-31.
4. Harry، Njideka U. (11 شتنبر 2013). "African Youth, Innovation and the Changing Society". Huffington Post. مأرشيڤي من لأصل ف 17 أكتوبر 2017.
5. Janneh, Abdoulie (April 2012). "item,4 of the provisional agenda – General debate on national experience in population matters: adolescents and youth" (PDF). United Nations Economic Commission for Africa. مأرشيڤي (PDF) من لأصل ف 2017-09-15. تطّالع عليه ب تاريخ 15 دجنبر 2015.
6. "Homo sapiens: University of Utah News Release: 16 February 2005". مأرشيڤي من لأصل ف 24 أكتوبر 2007.
7. "Africa. General info". Visual Geography. مأرشيڤي من لأصل ف 24 أبريل 2011. تطّالع عليه ب تاريخ 24 نونبر 2007.

تقدر تزيد شوف بزاف د تّصاور و لمعلومات ديال Africa ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.