لݣابون (ب لفرانساوية: République Gabonaise) هي بلاد جات ف لغرب د وسط إفريقيا على لخط ديال لإستواء. تيحدّها لخليج د غينيا من لغرب، غينيا ستيوائية من الشمال لغربي، كاميرون من الشمال و جمهورية لكونݣو من الشرق و لجنوب.[1]
ف 1885 ولاّت لبلاصة اللي فيها لݣابون دابا مستعمرة د فرانسا، و بقات هاكاك تال 1960، اللي هو لعام اللي ستاقلات فيه لجمهورية د لݣابون. من نهار ستاقلات لبلاد تال دابا حكموها غي تلاتة ديال الروآسا. ف اللول ديال التسعينات دارت لݣابون دستور جديد و خلاّت فيه لفرصة باش يتدارو بزاف د لأحزاب باش تولي لإنتخابات ديموقراطية و شفافة كتر.
تيسكنو ف لݣابون شويا كتر من 2 د لمليون د الناس، و لعاصمة ديالها و أكبر مدينة فيها هي ليبروڤيل. اللغة الرسمية ديال لبلاد هي لفرانساوية، و عاد كاين 40 لغة اللي تاتهضر ف لبلاد ولكن ماعندها تا وضع قانوني. لفلوس اللي كاتخدّم ف لبلاد هي لفرنك سي إف آ ديال وسط إفريقيا.
لأصل د السمية
لأصل د السمية ديال لݣابون ماجي من لبرتغالية، حيت لكلمة ديال ݣاباو تاتعني كبّوط، و هو الشكل اللي تيبان عليه لواد د كومو ملّي تيصب ف لمحيط لأطلسي ف ليبروڤيل.
عيون لكلام
