القاهرة (ar)
لقاهرة هي لعاصمة ديال مصر و أكبر مدينة فيها، و أكبر مدينة تا فلبلدان د "شمال إفريقيا و شرق الأوسط" . على حساب لإحصائيات د 2018، تيسكنو ف لقاهرة 9.7 مليون د الناس، و هي تاني أكبر مدينة ف إفريقيا من ناحية السكان (مورا لاݣوص)، و مرتّبة 17 ف لعالم.
تأسسات لقاهرة ف عام 969 على يد لفاطميين، و لكن لبلاصة فين تأسسات كان عندها تاريخ قدم من داكشي، و هي قريبة من فين كاين لأهرامات لكبار ديال مصر، اللي هي لأهرامات ديال لݣيزة. تيدوز من لقاهرة لواد ديال النيل، اللي هو أطول واد ف لعالم، و اللي مهم بزاف ف لقتيصاد و لفلاحة ديال مصر.
لقاهرة مدينة فيها لمقرات ديال بزاف د لمؤسسات مهمة و مؤثرة ف لعالم بحال لجامعة د الدول لعربية و لجامعة د لأزهر. و هي من لمدون لقلال ف إفريقيا اللي عندها ميطرو، و كان بدا فيها ف 1987.[1]