Río Mora

Lo río Mora ye un curso fluvial de la cuenca hidrografica de Millars que tiene lo suyo naixedero en la fuent Lozana (encara que d'acuerdo con bel autor se form…

Río Mora
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Mora
Administración
Territorios Aragón
Cheografía
Naixedero fuent Lozana[1] (Mora de Rubielos, Teruel)
Desembocadura río Millars (muga entre Mora y Sant Agostín, Teruel)
Mapa

Río Mora en Aragón
[editar datos en Wikidata]

Lo río Mora ye un curso fluvial de la cuenca hidrografica de Millars que tiene lo suyo naixedero en la fuent Lozana (encara que d'acuerdo con bel autor se forma en lo forcallo de los barrancos de fuent Narices y fuent Lozana),[2] baixa dende la sierra de Nogueruelas, traviesa lo termin municipal de Mora de Rubielos en sentiu primero norte-sud, dimpués nord-ueste-sud-este, y caye en Millars en la muga entre Mora y Sant Agostín, auguas ent'alto de la important foz que bi ha entre esta zaguera localidat y Rubiuelos.

En la suya cuenca hidrografica bi ha depresions erosivas escarvadas en los materials terrichenos de facies Weald que bi ha a lo sud de las calsineras aptianas de la sierra de Nogueruelas (Barrachinas, Campillos y Barrachinas),[2] pero son mas chicas que la fondada de Mora, que fa part de la depresión tectonica de Rubiuelos, y se situa en la unidat morfoestructural de las "serranías de Gúdar".[3] La erosión producida por lo río Mora ha vuidau part de los materials sedimentarios miocenos d'esta fondada gran. Lo cabaixo de la cuenca hidrografica d'este río en contacto con lo río Millars perteneixe morfoestructuralment a la depresión de Sarrión, que desparte las serranías de Gúdar de lo macizo de Chabalambre.[3]

Hidronimia

L'hidronimo río Mora fa referencia a la localidat por a on que pasa. Se documenta un regacho de Mora en un texto baixo-medieval que fa referencia a los boalaches d'esta localidat:

Primerament comiençan los mojones segun se sigue en el rio de la Torre el Trillo assi como va el camino de Sarrion e asoma del cerro e el cerro arriba assin como las aguas vierten al regajo de Mora en tro al cerro de la Felipia e responde a la punta de la era de Domingo Barberan efiere en los cabeços de tramos los regajos e a la pieça de Domingo Capater e torna a los cabecos de entramos los regajos...[4]

Referencias

  1. ↑ (es) Jorge Hermosilla Pla (dir.): El regadío tradicional y el patrimonio hidráulico del Alto Mijares turolense. ESTEPA (Estudis del Territori i del Patrimoni), 2011, pp. 88-90.
  2. ↑ 2,0 2,1 (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9. pp 108-109.
  3. ↑ 3,0 3,1 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p. 80, pp. 86-87.
  4. ↑ (es) Germán Navarro Espinach Rubielos de Mora en la Edad Media. Volumen 1 de Monografías turolenses. Editor: Instituto de Estudios Turolenses, 2005 p. 176.

Bibliografía


Afluents d'o río Millars
Marguin izquierda Cedriellas | Alcalá | Mora | la Pila | Rubiuelos | Erch | Cortes | Linars | la Viuda
Marguin dreita Penyaflor | Albentosa | el Barruezo | Montán | Chico

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.