Lo barranco de Penyaflor ye un tributario de lo río Millars por la suya marguin dreita.
Naixe de la unión de la rambla de la Pila y de lo barranco d'el Val, que baixan dende las versants orientals d'un sector de la sierra de Camarena a lo norte de penya Blanca y entran en la depresión de Sarrión. Traviesa en sentiu Ueste-Este un sector de lo termin municipal de La Puebla de Valverde a lo sud d'esta localidat, recibe las auguas de lo barranco de Vallomba, y caye en Millars en la muga de los termins municipals de Sarrión y Valbona, auguas enta baixo d'a on ha caito la rambla de la Penyuela.
Hidronimia
L'hidronimo barranco de Penyaflor u rambla de Penyaflor deriva d'un oronimo Penyaflor recurrent en la toponimia aragonesa y peninsular en cheneral. Se fa mención de lo barranco de Penyaflor en l'anyada chudicial 1483-1484 de las "Cronicas de los Chudeces de Teruel":
En el mes de abril fallaron un hombre muerto en cerca de la Puebla de Valverde, al
barranco de Peñiaflor, que tenia diversos golpes en su persona...
[1]Referencias
Bibliografía
