A puerta de l'Ánchel yera una d'as doce puertas que teneba la ciudat de Zaragoza. S'ubicaba chunto a lo puent de Piedra y d'a Loncha de Zaragoza.
D'entre historia suya, que transcorre dende la dominación romana, tenió cuantos nombres como "puerta d'o Puent", "puerta d'Alcántara" y "puerta de l'Ánchel". Estió destruyida durant os Setios de Zaragoza y acolotada definitivament en 1867.
L'ánchel que le dio lo nombre a iste edificio estió construyiu per Gil Morlanes lo Viello y s'aficó en a puerta en 1493. O Museu de Zaragoza lo acochola en l'actualidat.
Historia
A ciudat romana de Caesaraugusta poseyeba cuatro puertas que correspondeban con os cuatro puntos cardinals. Entre la dominación arabe paso a clamar-se Baab Alqantara (ye dicir, "a puerta d'o puent").
Dimpués d'a conquiesta per Alifonso I d'Aragón paso a denominar-se "puerta d'o puent".
En 1492 se devantó una nueva puerta con l'enchaquia d'a vesita d'os Reis Catolicos a Zaragoza. A puerta prene la denominación de "puerta de l'Ánchel" per una imachen d'alabastro policromada de l'Ánchel Custodio colocada sobre la dentrada.
Durant os Setios de Zaragoza estió grieument danyada pero la desidia d'as autoridaz fació que se trobase en lamentable estau dica lo suyo espaldo en 1821.
Con l'enchaquia d'a vesita d'a reina Isabel II a Zaragoza se devantó una nueva puerta en 1860 que sería a la fin esboldregada en 1869.[1]
Referencias
- ↑ Antiguas puertas de Zaragoza, Institución “Fernando el Católico”, 2013, p. 32-57
.jpg)
.svg)
