A puerta Cremada yera una puerta situada en a muralla medieval de Zaragoza, en a intersección d'as carreras Asalto y Heroísmo.
Historia
En tiempos d'a ocupación musulmana estió conoixida como baab Al-Jahuud, literalment en arabe a puerta d'os Chodigos, ya que por aquí s'accedeba, encara dica o sieglo XV, a la chudería. Dende ista puerta, dimpués de trescruzar o wádí Baltash u wádí Warbäh, saliba o camín que s'endrezaba enta Valencia.
En 1397 una creixida de La Uerva la destruyió. Posteriorment fue reconstruyida y en 1785 espaldada per lo suyo mal estau. Poco dimpués fue reconstruyida, mas alta y con dos balcons, uno que daba a l'exterior y atro que a la zona interior, pa estar arranada de tot per os combates en iste puesto mientres que los setios de Zaragoza.
Reconstruyida pobrament fue espaldada en 1868 y tornada a reconstruyir pa estar finalment espaldada en 1904.
Ista puerta comunicaba a ciudat con o barrio exterior que se conoixería dimpués como Montemolín y que s'estendillaba dende l'exterior d'a muralla dica o camín d'o Baixo Aragón. Por estar una zona situada a l'atro canto d'a Uerva, entre terrenos embadinaus y canyars, yera prou perigloso en o sieglo XVI, ya que yera fácil perder-se, bi habendo victimas a sobén. Asinas os ciudadans demandoron que se tanyese una d'as campanas d'a ilesia de Sant Miguel dende a boca de nueit dica l'amaneixer y se metese una luz dencima d'a torre pa orientar a os caminants que arribaban por aquí a la ciudat. Por ixa razón yera conoixida popularment como a puerta d'os Perdius.
L'orichen d'o suyo nombre viene de que chunto a ella se reuniban os carboners arredol d'as cheras que teneban enchegadas de contino. O fumo que i feban, mas que mas os días que bufaba l'aire fué dando una color negra a la puerta, pareixindo que estase cremada. Antimás tamién pareixe que por ella saliban en a Edat Meya os presos que yera condenaus por a Inquisición a morir en a foguera.
Vinclos externos
.svg)
