L' alabastro (d'o latín alabastrum y iste d'o griego ἀλάβαστρος ("alabastros")) ye una variedat microcristalina muit comuna d'o mineral cheso. Dende un punto de vista quimico, l'alabastro ye un sulfato de calcio que contiene augua con a composición quimica CaSO4·2H2O.
L'alabastro tien bella similitut visual con o marbre, manimenos a diferencia d'o marbre, ye un mal conductor d'a calor y, per tanto, se siente calido. Unatra diferencia ye la suya menor resistencia a la intemperie, lo que significa que se degradaría a escape y se tornaría antiestetico a resultas d'a clima. Per tanto, l'alabastro se fa servir en escultura exclusivament pa obchectos d'interior. A suya color puede estar blanca, amariella claro, royisca, parda u grisa dependendo d'o puesto an se trobe.
Gran parti d'a extracción mundial d'alabastro se realiza en Aragón, en localidaz como Exelsa, Quinto d'Ebro, Fuents d'Ebro, Zaila, La Puebla d'Íxar y Albalat de l'Arcebispe.[1]
Galería d'imachens
.
Referencias
