Estió present la Orden de Calatrava en la Corona d'Aragón por la suya participación en la Reconquiesta. Alifonso II lo Casto lis cedió en l'anyo 1179 Alcanyiz y la suya redolada, a on fundoron diferents comandas y sozcomandas. La Comanda d'Alcanyiz estió la mes important. Los calatravos d'Alcanyiz estendilloron l'actividat de la orden dica Beixix y Villena (Reino de Valencia).
La Comanda d'Alcanyiz yera ya en decadencia irreversible dimpués de 1533, anyo de la muerte de Chuan de Lanuza, comandador de la orden y virrei d'Aragón.[1] Una serie de bulas papals van deixando en mans d'os monarcas Carlos I y Felipe II esta comanda.[2]
En lo sieglo XVIII la comanda d'Alcanyiz se va esminglanando y obtienen churisdicción propia Val d'Algorfa, La Codonyera y Torrociella d'Alcanyiz.[2]