L'asturiano[1] (asturianu) ye una luenga romance fablata en o Prencipau d'Asturias, y fa parte d'o conchunto Astur-Leyonés con o mirandés y con o leyonés. Seguntes estimacions lo charran 550.000 personas en Asturias, y 100.000 d'ixas personas lo tienen como primera luenga y 450.000 como segunda.
As parlas asturianas se distribuyen en as tres brancas dialectals de l'astur-leyonés.
As parlas d'Asturias y muga con Portugal se conservan menos influitos por lo castellano que en Leyón u Cantabria, pero tamién son mas trestallatos en parlas locals de distribución chicota por arcaísmos y fenomenos muito locals.
Por razons historicas y demograficas, o estandar lingüistico se basó en os dialectos centrals de Asturias. Bi ha una gramatica de l'asturiano, un diccionario d'a luenga asturiana y unas normas ortograficas de l'asturiano, que no coinciden con as feitas pa o mirandés y o leyonés, que dende bels puntos de vista costituirían con l'asturiano una mesma luenga astur-leyonesa.
Referencias
