PROFILBARU.COM

	Calanda
	Municipio d'Aragón
	; Calanda
Entidat; • País; • Provincia; • Comarca	Municipio; Aragón; Teruel; Baixo Aragón
Partiu chudicial	Alcanyiz
Superficie	112,26 km²
Población; • Total; • Densidat	; 3759 hab. (2013); 33,48 hab/km²
Altaria; • Meyana	; 450 m.
Distancia; • 139 km	; enta Teruel
Alcalde	José Alberto Herrero Bono
Codigo postal	44570
Parroquial; • Archidiocesi; • Arcipestrau; • Parroquia	; Zaragoza; Alcanyiz; Ntra. Sra. de l'Asperanza
Coordenadas	40°56’22’’N 0°13’53’’U
	Calanda Calanda en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Calanda ye un municipio y una villa de la provincia de Teruel, situada en la comarca de lo Baixo Aragón.

La suya población ye de 3759 habitants, en una superficie de km² con una densidat de población de 33,48 hab/km².

Cheografía

Calanda ye situada en lo semontano de la sierra de Penyas Blancas (entre las primeras sierras de lo Sistema Iberico), y en lo cabo sud de la depresión d'Ebro, a 450 metros d'altaria dencima de lo livel d'a mar y a una distancia de 139 km de la ciudat de Teruel, la capital de la suya provincia.

Muito cerca de lo nuclio urbán s'achunta lo río de Calanda con lo río Guadalop; habendo-ie una important huerta en las riberas de los dos ríos. En ixa huerta destaca la producción de prescos y en prenen o suyo nombre toz los prescos de lo Baixo Aragón: la denominación d'orichen melocotón de Calanda, encara que esta fruita siempre s'ha dito presco en toda la comarca.

Lo terreno plano mas alto en dirección ta Alcanyiz ye ocupau por oliverals. Bi ha pinars de pin borde en las zonas mas montanyosas de lo sud y este, en dirección ta Lo Mas de las Matas y La Chinebrosa (Desierto de Calanda).

Mugas

	Alcanyiz
Alcorisa		Castelserás, La Torre de Viliella
	Foz Calanda, La Chinebrosa

Luengas y parlas

Como en tot lo Baixo Aragón en sentiu amplo bi ha muitos aragonesismos, (afogar, taca, endizcar, presco, punchar, etc...). Existe un estudio de lo lexico calandino feito por un fillo d'este lugar. Los aragonesismos presents en la parla calandina son un reflexo de l'aragonés que se i charró, igual como los textos alchamiaus de lo sieglo XV y talment tamién de lo sieglo XVI trobaus en esta localidat,^[1] que presentan formas como nueyt, feyto, dito, ecetra.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	3.531	3.487	3.484	3.467	3.496

2003	2004	2005	2006	2007	2008	2009	2010	2011
3.565	3.598	3.644	3.709	3.737	3.825	3.899	4.004	4.004

2012	2013	2014	2015	2016	2017	2018	2019	2020
3.956	3.949	3.920	3.893	3.846	3.729	3.708	3.748	3.822

2021	2022	2023	2024	2025	2026	2027	2028	-
3.753	-	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Historia

En lo periodo musulmán, Qalanna a mas de lo nombre de lo lugar yera lo nombre d'un districto, balad. En l'anyo 1119 lo rei Alifonso lo Batallero conquirió Calanda, pero se perdió dimpués de la contraofensiva almurabit que siguió a la derrota en Fraga. La incorporación pa cutio en lo Reino d'Aragón se produció entre 1169 y 1170 baixo Alifonso lo Casto. Poco dimpués fue donada a los calatravos d'Alcanyiz, qui creyoron la comanda de Calanda.

La población musulmana de Calanda y Foz Calanda podió quedar-se dimpués de la reconquiesta a diferencia de muitos lugars de la comarca, pero fue forachitada en 1610.

En 1833 estió lo escenario de la batalla de Calanda de la Primera Guerra Carlista.

Toponimia

Ya existiba en la epoca iberica y se deciba Colenda. En lo periodo andalusí s'escribiba Qalanna.

En la microtoponimia destaca:

Bel toponimo talment mozarabe como Tolocha. Lo toponimo Castiel puet estar tanto mozarabe como aragonés.
Bel toponimo aragonés como Abellares, El Regallo, el Cerrallar, y sierra d'el Saso.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011	2015	2019
Partido de los Socialistas de Aragón								6	5	6	5
Partido Popular								4	4	4	6
Partido Aragonés								1	2	1	-
Total								11	11	11	11

Alcaldes

Lista d'alcaldes
Lechislatura	Nombre	Partiu politico
1979–1983	Ismael Conesa Jarque ^[2]	UCD
1983–1987	Manuel Magallón	PAR
1987–1991	Mariano Trallero Garcés	PP
1991–1995	Antonio Borraz Ariño
1995–1999
1999–2003
2003–2007	Manuel Adrián Royo Ramos	Partido de los Socialistas de Aragón
2007–2011	Manuel Adrián Royo Ramos
2011–2015	José Ramón Ibáñez Blasco
2015–2019	José Ramón Ibáñez Blasco
2019–2023	Alberto Herrero Bono	PP
2023–2027	José Alberto Herrero Bono ^[3]	PP

Puestos d'intrés

Casa Fortón-Cascajares, en la carrera Mayor 48, actualment seu de lo Centro Buñuel Calanda. Edificio d'estilo neoclasico, protechiu legalment dende 2004 con la suya declaración como Bien d'Intrés Cultural.^[4]
Convento de lo Desierto, a una distancia d'arredol de 12 km de Calanda, d'estilo barroco, de 1608, hue enronau. Ye protechiu legalment con la suya declaración como Bien d'Intrés Cultural.
Templo del Pilar.
Restas d'o castiello.

Apellius

L'apelliu Celma ye d'entre los mas comuns y ya lo teneba un musulmán que sale en la Carta de población. L'apelliu aragonés Trallero ye común. Existe tamién como caracteristico l'apelliu Mindán, que puet venir de lo francés mendiant, mendigo.

Personalidaz naixidas de Calanda

Categoría principal: Naixius de Calanda.

Abd Allah b, Isà al-Saybani, de kunya Abu Muhhamad, intelectual y relichioso hispanomusulmán muerto en Valencia en 1135.
Luis Buñuel ye naixiu en Calanda, d'una familia de Foz Calanda.
Gaspar Sanz.
Juan de Sesé y Balaguer.
Mariano Valimaña y Abella.
Antonio María Cascajares, conoixido popularment como Cardenal Cascajares.
Julián Pastor y Alvira.
Vicente Allanegui.
Miguel Sancho Izquierdo.
Manuel Mindán Manero, conocido popularmente como Padre Mindán.
José Arbiol Sanz.
José Lamiel.

Curiosidaz

Calanda ye uno de los pocos lugars d'Espanya a on s'han produciu dos miraglos. Lo famoso "Miraglo de Calanda" ye ligau a lo culto a la Virchen de lo Pilar.
La princesa Letizia Ortiz Rocasolano provién de Calanda por parte de madre. L'apelliu Rocasolano lo trayó ta Calanda un antipasau suyo, Pantaléon Roquesoulane, un occitán que venió ta Calanda dende Marcolès (Auvernia).

Localidaz achirmanadas

Frosins (Alta Garona, Occitania).

Referencias

↑ (es) Maria José Cerveras Fras: Descripción de los manuscritos mudéjares de Calanda (Teruel) [1]
↑ (es) Treinta aniversario de las primeras elecciones municipales de la democracia.
↑ (es) Consulta el listado de alcaldes que han sido proclamados en Aragón en Heraldo de Aragón.
↑ (es) Texto de la declaración en lo BOE de la Casa Fortón-Cascajares como Bien d'Intrés Cultural.

Vinclos externos

Se veigan as imáchens de Commons sobre Calanda.
www.calanda.es, pachina web oficial.

Municipios d'a comarca d'o Baixo Aragón
Auguaviva \| Alcanyiz \| Alcorisa \| Belmont de Sant Chusé \| Berche \| Calanda \| La Canyada de Beric \| Castelserás \| La Cerollera \| La Codonyera \| La Chinebrosa \| Foz Calanda \| Lo Mas de las Matas \| La Mata de los Olmos \| Las Parras de Castellot \| Los Olmos \| Seno \| Torrociella d'Alcanyiz \| La Torre de Viliella \| Val d'Algorfa