La Canyada de Beric (La Canyada de Beric en catalán, La Cañada de Verich en castellano) ye un municipio de la provincia de Teruel, situato en la comarca de lo Baixo Aragón. La suya población ye de 109 habitants (2005), en una superficie de 10,9 km², con una densidat de 10 hab/km².
Cheografía
Ye situato en la costera d'un mont, en la zaguera sierra de lo norte de lo Sistema Iberico, entre lo río Mezquín y lo río Alcherez. Bi ha una mena de caolín.
Toponimia
Lo toponimo La Canyada de Beric s'ha presentau baixo diferents formas en la documentación a traviés de la historia. En un texto de lo 29 de chinero de 1243 en lo que lo comandador calatravo d'Alcanyiz feba una concordia con la ilesia alcanyizana sobre decimas y termins y escrito en latín medieval se presenta en chenitivo como Cannate de Berage:
..., et sicut vadit barranchus usque ad Portelatam,
Cannate de Berage, et illo barranco in antea versus in ipsam partem, est terminus de
Belmont, et versus dexteram partem est terminus Alcannicii,...
[1]En lo sieglo XVI s'escribiba La Cañada de Berix y en lo sieglo XVII La Cañada de Berig. En lo sieglo XVIII alternan Berig con Beric. Artur Quintana documenta lo emplego de lo toponimo Canyà de Beric en lo catalán de La Codonyera (lo sufixo -ada se puet pronunciar -à en lo catalán occidental a lo sud de Fraga, en unas comarcas ye cheneral y en atras només que cuan se charra a escape).
Gaudioso Giménez Resano se planteya a posibilidat que no provienga de l'antroponimo visigodo y provienga en cuenta de l'arabe abäric, "tierras duras".[2]
Parla
La catalán local se clasifica en las parlas de lo Guadalop-Mezquín. La mena ha traito poblacions de fuera. Ixo y estar a man de lugars castellanoparlants ha feito que la vitalidat de lo catalán en La Canyada siga mes baixa que en atros lugars de lo Mezquín y Matarraña.
Demografía
Administración
Reparto de concellers
Alcaldes
Fiestas
Referencias
Bibliografía
- (ca) Artur Quintana: El parlar de La Codonyera. Resultats d'unes enquestes. Universidad de Barcelona, 1974.
.svg){kind=small}
