Rhäzüns (rätoromanisch Razén [ʁɐˈtsen]ⓘ/?) isch e politeschi Gmaind in der Region Imboda vom Bündnerland.
Geografii
Rhäzüns liit uf ere Gländterrasse am Underlauf vom Hinderrhy und am Bärghang vom Crest Ault (das heisst uf Düütsch Hööche Graat) mid em höchschte Punkt uf 2002 Meter über Meer. I dr Gmaind sind näbem Dorf d Wiiler Mulin Sura, Runcaglia und Clavadatsch. Wyt am Bärg obe isch dr chly Bärgsee Lag Miert. D Rhäzünser Alp isch ufdeilt id Alp Sut und d Alp Sura ( die underi und die oberi Alp).
D Nochbergmainde vo Rhäzüns sind Bonaduz, Domat/Ems, Rootebrunne, Cazis und Safietaal.
Gschicht
Rhäzüns isch in ere Kwelle vo ane 840 i dr Schrybwys Raezunne s erschte Mol gnänt.
Sprooch
Hüt rede d Lüüt z Rhäzüns zu öpe 80 Prozänt Düütsch. Bis is 19. Joorhundert het d Gmaind no zum Sproochgebiet vom Rätoromanische ghört.
Wirtschaft
I dr Gmaind isch e Mineralwasserkwelle, wo ane 1797 scho begchannt gsi isch. D Fabrigg für Mineralwasser ghört der Fäldschlössli-Gruppe.[2]
Sache zum Aaluege
Literatur
- Armon Fontana: Die Kirchen von Rhäzüns: Nossadunna - Sogn Paul - Sogn Gieri. Bärn 2004.
Weblink
Fuessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ http://www.rhaezuenser.ch/
