Flims (rätoromanisch Flem [flɛm]ⓘ/?) isch e Gmeind i dr Region Imbode vom Kanton Graubünde i dr Schwiiz.
Geografii
D Gmeind isch us de Ortschafte Flims-Dorf, Flims-Waldhuus, Fidaz und Scheia zämegsetzt. Dur d Gmeind füert d Kantonsstrooss, wo vo Chur über Riichenau dur s Taal vom Vorderrhy uf chunt und uf Ilanz und Disentis wyter is Taal ine goot. Sid ane 1959 het d Strooss über d Stennaschlucht vom Fluss Flem d Stennabrugg und im 2007ni isch en Stroossedunnel under em Dorf dure i Betriib gnoo worde.
Über de Bärgstock vom Flimserschtei und d Segnas-Alpe goot dr Gmeindbann bis uf d Bärgchetti mit de Tschingelhörner, em Piz Sardona und em Trinserhorn ufe. Uf em Grat chunt Flims a d Sanggaller Nochbergmeind Pfäfers aa. Under em Piz Segnas liit no en chlyne Räschte vom Segnasgletscher. Dr Segnaspass noch bim Martinsloch isch en Fuesswäg is Glarnerland uf Elm übere.
Im Wald südlech vom Dorf liit der Caumasee und no wyter undedra flüsst dr Rhy dur di grossi Schlucht Ruinaulta.
Name
Der Name chunt vom latynische Wort fluvius, wo Fluss bedütet. Dr rätoromanisch Name vom Dorf heisst Flem, wa au Fluss meint.
Gschicht
Us em Joor 765 isch di erschti gschichtlechi Kwelle, wo dr Ortsname vo Flims erwäänt, s Teschtamänt vom Bischof Tello.
Lüt
Literatur
- Hermann Anliker: Flims. Bärn 1961.
Weblink
Fuessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
