Place de la Réunion

Dr Roothüüsplàtz vum Roothüüs har gsah

Dialäkt: Mìlhüüserisch

Dr Roothüüsplàtz (Üüsschprooch loosa^ⓘ/?; offiziäll uff’m zwaischproochiga Schtroossaschìld: Rothüssplatz;^[1] frz. Place de la Réunion loosa^ⓘ/?) ìsch dr Zäntrààlplàtz vu dr Mìlhüüser Àltschtàdt. Sa bfìndet sìch grààd bii dr Wìldamànnsgass. Uff’m Roothüüsplàtz fìndet maa s’ histoorischa Roothüüs un d’ groossa protäschtàntischa Schtefànskìrìch.

wu ’s ìsch

Dr Roothüüsplàtz lìegt ìm Zäntrum vu dr Mìlhüüser Àltschtàdt, grààd bii dr lànga Gschaftsschtrooss Wìldamànnsgass. Dr Hàuiptiigàng vum Plàtz lìegt àm Nordoschta, àn dr Kritzung vu dr Wìldamànnsgass un vum Schindergassla.

Dr Roothüüsplàtz ìsch dr Ààfàngspunkt vu mehrera Schtroossa: vum Finstergassla-n-àm Noorda –wo bis àn dr Wìldamànnsgass làuift–, vum Gassla Hìnter’m Roothüüs àm Oschta, vum Passage de l’Hôtel de Ville un dr Wilhelm-Tell-Gass àm Süüdoschta, so wia vu dr Schüalgass un dr Bäckergass àm Süüdwäschta. Àm Nordwäschta vum Plàtz ìsch a klaina Verbìndung mìt’m Màrktgassla, wo bis àn dr Werkhofgass làuift.

Dr Plàtz lìegt ìn dr Neecha vum Mìlhüüser Tràm. D’ neechschta Schtàzioona sìnn Porte Jeune vor àm groossa-n-Iikàuifszäntrum un République àm Näikwàrtier-Plàtz.

Harkunft vum Namma

S’ Wort Réunion („Zammaschluss“) ärìnnert àn dr 15. März 1798, wu d’ Bìrger vu dr Schtàdtrepüblik Mìlhüüsa fräiwìllig beschlossa hann, sìch àm Frànkrììch ààz’schliassa. Uff Frànzeesch bediitet àui Réunion „Versàmmlung“, àlso sajt maa, àss dr Plàtz sii Namma zu Racht trajt.

wàs doo z’ sah ìsch

Àm Roothüüsplàtz sìnn mehrera wìchtiga histoorischa Gebäijer:

• d’ reformiarta Schtefànskìrìch vum 19. Joohrhundert. Sa ìsch s’ heechschta protäschtàntischa Gotteshüüs ìm Frànkrììch un wìrd oft àls „Doom vu Mìlhüüsa“ bezaichent
• s’ histoorischa Roothüüs vu Mìlhüüsa, wo ìn dr Renaissace bàuia worra-n-ìsch. S’ hàt zàhlriicha gmolta Ziarunga
• àm Nr. 9 ìsch dr ehamààliga Sìtz vu dr Schniider-Kärwerschàft. ’S Gebäi ìsch ànna 1564 bàuia worra^[2]
• àm Nr. 11 ìsch s’ Mieg-Hüüs, wo àui ìn dr Renaissance bàuia worra-n-ìsch. S’ ìsch s’ greeschta Wohnhüüs uff’m Plàtz.
• àm Nr. 37 ìsch s’ Àpateekhüüs Pharmacie au Lys, wo vum 15. Joohrhundert schtàmmt.^[3] Sitter 1649 ìsch doo ununterbroocha-n-a Àpotheek gsìì.
• zwìschem Roothüüs un dr Schtefànskìrìch ìsch dr Schtockbrunna (fontaine du Hallebardier), mìt dr Schtàtüüta vu’ma Hälmbààrdatraager, wo-n-uff da Schtàdtwàppa schteht
• zwìschem Roothüüs un dr Schtefànskìrìch ìsch àui a rund Färderbànd mìt scheena Ziarunga, wo d’ Kìnder meega. Bis 2016 hàt’s ìn dr Fàmìlia Doreff gheert.^[4] Ànna 2013 ìsch’s ìn Brànd gsätzt worra.^[5]

Vu 1906 bis 1909 hàt d’ bekànnta Schtàtüüta „Schweissdissi“-n-uff’m Roothüüsplàtz gschtànda.^[6]

• 
  D’ Stefànskìrìch mìt’m runda Färderbànd àm Füass
• 
  S’ histoorischa Roothüüs
• 
  Dr Schtockbrunna
• 
  D’ Schtàtüüta vum Hälmbààrdatraager vor àn Fàssàda
• 
  S' Mieg-Hüüs (ìm Zäntrum) un dr ehamààliga Sìtz vu dr Schniider-Kärwerschàft (lìnks)
• 
  A pààr Hiiser àm Plàtz (lìnks sìnn s’ Mieg-Hüüs un dr Kärwerschàftssìtz)

Àm Roothüüsplàtz sìnn àui bekànnta Gàschthiiser, wia s’ Gàschthüüs Au Vieux Mulhouse un s’ Café Mozart, wo-n-a scheener Blìck uff d’ Schtefànkskìrìch ààbìatet.

Weblìnks

 Commons: Roothüüsplàtz z’ Mìlhüüsa – Sammlig vo Multimediadateie

• A Vorschtällung vum Mìlhüüser Roothüüsplàtz uff Mon Grand Est (frànzeesch)
• A Live-Webcam uff’m Roothüüsplàtz uff dr Websitta vu dr Schtàdtverwàltung Mìlhüüsa (frànzeesch)

Ainzelnoohwiisa

1. Réunion (place de la) / Rothüssplatz. In: Zweisprochiga Strossaschìlder ìn Milhüsa. Abgruefen am 17. Juni 2022 (französisch). 
2. L'ancien poêle des Tailleurs. à Mulhouse (68). In: Petit patrimoine. Abgruefen am 17. Juni 2022 (französisch). 
3. S’ Hüüs „Pharmacie au Lys“ ìn dr Mérimée-Dàtabànk vum Frànzeescha Kültüürminìschterium (frànzeesch, àbgrüafa-n-àm 17. Jüüni 2022).
4. Alain Cheval: Mulhouse : le « Sisi Carrousel » tourne à nouveau et fait le bonheur des petits. In: Dernières Nouvelles d’Alsace. 10. Dezember 2020, abgruefen am 17. Juni 2022 (französisch). 
5. Mulhouse : le manège de la place de la Réunion incendié cette nuit. France 3 Alsace, 21. August 2013, abgruefen am 17. Juni 2022 (französisch). 
6. Hervé de Chalendar, Thierry Gachon: Statues d’Alsace (4/7) : le grand homme de Mulhouse. In: Dernières Nouvelles d’Alsace. 4. August 2017, abgruefen am 17. Juni 2022 (französisch). 

47.746797.33875Koordinate: 47° 44′ 48,4″ N, 7° 20′ 19,5″ O