D Hochschuel fir Musik Friburg (dt. Hochschule für Musik Freiburg) isch e vum Land Bade-Wirtteberg draiti Hochschuel fir d wisseschaftlig Forschung un kinschtlerisch und pädagogisch Uusbildung im Beriich Musik.
Scho sitter anne 1898 het s d Friburg e Musikhochschule gee mit em Friburger Musik-Konservatorium.[1] Di hitig Hochschuel fir Musik isch anne 1946 zerscht als städtischi Iirichtung unter de Laitung vum Gustav Scheck grindet wore. Zwai Johr speter isch si in d Dregerschaft vum Land Bade iwergange. Ihri riimlig Grundlag sin zwai intakti Altstadthiiser gsii in dr Friburger Innestadt, wu fascht ganz zerstert gsii isch. Unter dr Studierende sin e Huffe speter renommierti Musiker gsii wie zem Byschpel de Fritz Wunderlich. Glehrt hän do vil großi Inschtrumentalsolischte un Pädagoge, u. a. de Harald Genzmer, d Aurèle Nicolet, de Ulrich Koch, dr Wolfgang Marschner, de Ludwig Doerr, de Carl Seemann, de Erich un d Elma Doflein, d Edith Picht-Axenfeld un de James Avery.
1954 het dr Wolfgang Fortner an dr Hochschuel s Inschtitut fir Neii Musik grindet, wu dertemol Pionierarbet glaischtet het un mit em elektronische Experimentalstudio vu de Heinrich-Strobel-Stiftung im Friburger Huus vum Sidweschtfunk (SWF) (hite Sidweschtrundfunk) zämmeschafft.
Am Aafang isch d Hochschuel iwer vil Gebei im gsamte Stadtgebiet verdailt gsii, anne 1983 isch si in e aige Neibau iizoge.
Sit em Spotjohr 2005 git s im nei grindete „Friburger Inschtitut fir Musikermedizin“ e Zämmearbet mit em Universitätsklinikum Friburg go de Zämmehang vu Musiziere un Gsundhait z erforsche.
Internationali Partnerschafte git s zue de Musikhochschuele z Odessa, Rochster (USA), Warschau, Sydney un Kyoto.
Sit em Wintersemeschter 2006/07 het d Hochschule als aini vu de ditsche Musikhochschuele de Großdail vu ihre Studiegäng uf s europawit vorgsehne Bachelor/Master-Syschtem um. Di derzitige Studiegäng „Diplommusiklehrer“ un „Kinschtlerischi Uusbildung“ were dodemit mit de Zitt abglest vu me integrierte BA/MA-Studiegang.
D Hochschuel isch organisatorisch in fimf Inschtitut glidert, e Inschtitut fir Neii Musik, ais fir Musiktheater, ais fir Historischi Uffiehrungspraxis, s Friburger Inschtitut fir Musikermedizin un d Friburger Akademi fir d Begabteferderung.
47.9890697.872515Koordinate: 47° 59′ 20,6″ N, 7° 52′ 21,1″ O
Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm
Friedrichshafe
Friburg • Haidelberch • Kallsruh • Ludigburg • Gmend • Waegaade
Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga
Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge
Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia)
Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge