D Ergolz isch dr Hauptfluss dur s Baselbiet im Norde vo dr Schwiz. Si entspringt im Faltejura an dr Geissflue im oobere Baselbiet und mündet bi Augst in Rhii.
D Zueflüss vo dr Ergolz si dr Eibach, Homburgerbach, Diegterbach, Fränke (Hinderi und Vorderi Fränke), Orisbach, Rööserebach und Violebach.
Mässdaate
Sit 1934 wird z Liestel dr Pegelstand und d Abflussmängi vo dr Ergolz gmässe. Das si jetz mee as 70 Joor und in dere Zit si im Durchschnitt 3,73 m³/s in Richdig Rhii gflosse. Im Joor 2006 het dr Fluss durchschnittlig 5,63 m³/s gfüert. S Jooresmaximum isch am 10. April 2006 für e churzi Zit bi 134 m³/s glääge. D Extremwärt, wo Stazioon sit em Aafang vo de Mässige gmässe het, si 0,1 m³/s (1947), respektiv 155 m³/s (1999).
Gschicht
Dr Fluss het die römisch Stadt Augusta Raurica mit Drinkwasser versorgt, für daas häi d Römer en Akwedukt baut, wo oobe an Liestel aagfange het. Mä cha Däil vom Aqkwedukt au hüte no go aaluege (im Heideloch z Liestel und nordöstlig vo dr Klääraalaag z Füllinsdorf).
Im 20. Joorhundert isch d Ergolz immer dräckiger worde und vo 1960 aa het mä wäge däm meereri Klääraalaage baut.
Weblingg
Fuessnoote
- ↑ Abflussmengen der Flüsse und Bäche seit 1999, Ergolz/Liestal
![]()
|
Dä Artikel basiert uff ere fräie Übersetzig vum Artikel „Ergolz“ vu de dütsche Wikipedia. E Liste vu de Autore un Versione isch do z finde.
|
