Biezwiu (amtlich Biezwil) isch e Iiwohnergmein im Bezirk Buecheggberg im Kanton Soledurn, Schwiiz.
Geografi
Biezwiu isch es Huufedorf uf ere Hochflächi vom Buecheggberg, im Soledurner Mittuland. D Gmeindsflächi umfasst 51,7 % langwirtschaftlichi Flächi, 41,4 % Waud u 6,9 % Sidligsflächi.[2]
Nochbergmeine si Lüterswiu-Gächliwiu, Messe und Schnottu im Kanton Solothurn und Oberwiu im Kanton Bärn.
Gschicht
Biezwiu isch zum erschte Mou gnennt worde im Johr 1255 aus in Beizwile (1276 zue Biezwile, 1279 de Biezwile).
Bevöukerig
Quälle: Bundesamt für Statistik 2005[3]
| Johr |
1850 |
1860 |
1870 |
1880 |
1888 |
1900 |
1910 |
1920
|
| Iiwohner |
579 |
486 |
454 |
446 |
446 |
376 |
349 |
311
|
| Johr |
1930 |
1941 |
1950 |
1960 |
1970 |
1980 |
1990 |
2000
|
| Iiwohner |
282 |
294 |
303 |
296 |
231 |
226 |
250 |
289
|
De Uusländeraateil isch 2010 bi 3,7 % gläge.[2]
Religion
77,9 % vo dr Iiwooner si im Johr 2000 evangelisch-reformiert gsii, 10 % römisch-katholisch.[2]
Politik
Bi dr Nationalrootswaale 2011 hät s das Ergebnis gää:[2] BDP 7,4 %, CVP 5,6 %, EDU 0,0 %, EVP 1,5 %, FDP 31,6 %. GLP 4,3 %, GP 3,8 %, SP 8,3 %, SVP 34,3 %, Suschtigi 3,2 %.
Gmeindspresidänt isch dr Ernst Rauber (Stand 2012).
Wirtschaft
D Arbetslosigkeit isch im Johr 2011 bi 0,6 % gläge.[2]
Sproch und Dialäkt
Bi dr Voukszellig 2000 hei vo dr 289 Iiwohner 98,3 % Dütsch aus Hauptsproch aagää, 1,4 % Französisch u 0,3 % Italienisch.
Dr hochalemannisch Dialäkt vo Biezwiu ghört zue dr Dialäkt vo dr Region Soledurn, wo ähnlich si zum Bärndütsch, aber au zuem Nordweschtschwyzerdütsch ghöre.
Weblink
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 2,4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[5] [6] Vorlage:Toter Link/www.bfs.admin.ch)
